Industria e TIK është vetë zgjidhja për rritjen e konsumit të energjisë - Business Magazine Albania

Industria e TIK është vetë zgjidhja për rritjen e konsumit të energjisë

Industria e TIK

Huawei dhe Revista FORTUNE mbajtën një webinar mbi zgjidhjet dixhitale dhe ndikimin e tyre në ndërtimin e një të ardhme të qëndrueshme

Huawei mbajti të enjten një webinar me një panel ekspertësh udhëheqës për të diskutuar mbi qëndrueshmërinë e sektorit të energjisë. Folësit ishin Annika Hedberg, Drejtuese e Programit “Prosperitet i Qëndrueshëm për Evropën” te Qendra e Politikave Evropiane, Robert Lee, Profesor në Fakultetin e Drejtësisë në Universitetin e Birmingham, Jürgen Tzschoppe, Zv.President Ekzekutiv i Energjisë Ndërkombëtare në Statkraft, dhe Dr. Rene Arnold, Zv.President i Strategjive të Çështjeve Publike në Huawei Technologies.

Paneli theksoi se ndërkohë që përhapja e pajisjeve të reja dixhitale, rrjetet e ndërlidhura me shpejtësi të lartë, qendrat e ruajtjes së të dhënave dhe makinat elektrike në jetën tonë kanë rritur më shumë kërkesën për energji, bota ka nevojë gjithashtu të pranojë se teknologjitë e reja të TIK, si inteligjenca artificiale, analiza e përmirësuar e të dhënave, rrjetet e energjisë, metodat e reja të shpërndarjes dhe ruajtjes së energjisë mund t’i bëjnë sistemet e energjisë në botë më të pastra, efikase, duke i orientuar drejt rritjes së ndjeshme të produktivitetit. Për më tepër, paneli i profesionistëve u dakordësua që një sistem i zgjidhjeve gjithëpërfshirëse do të ishte i një rëndësie tepër të lartë dhe urgjente për të arritur objektivat e emetimit të karbonit.

Duke diskutuar mbi mënyrën si transformimi i energjisë mund të ndihmojë në luftën kundër ndryshimeve klimatike, Annika Hedberg, Drejtuese e Programit “Prosperitet i Qëndrueshëm për Evropën” në Qendrën e Politikave Evropiane, tha se, “Pandemia padyshim ka ndikuar në mënyrën se si funksionojnë bizneset, duke bërë të mundur një rënie të përkohshme të konsumit të lëndëve djegëse dhe emetimeve të karbonit. Por gjithashtu është edhe një risk i madh. Nëse ne nuk përdorim krizën e mbylljes në luftën kundër ndryshimeve klimatike, do të dalim nga kjo periudhë me rritje të emetimit të gazeve. Lajmi i mirë është se ne aktualisht kemi disa zgjidhje fantastike TIK të vendosura ashtu si inteligjenca artificiale (Al), interneti i gjërave (IoT) dhe blockchain që mund të ndihmojë në transformimin e sektorit duke mbrojtur ekosistemin tonë.”

Robert Lee, Profesor në Fakultetin e Drejtësisë në Universitetin e Birmingham, trajtoi nevojën për të diskutuar rreth përgjegjësinë sociale që lidhet me konsumin e energjisë.

“TIK-u është një sektor i mrekullueshëm novator, por po ashtu është e rëndësishme t’i përdorësh risitë me përgjegjësi. Ne kemi parë se si TIK ka ndihmuar në zëvendësimin e udhëtimeve në një kohë pandemie. Nuk është vetëm teknologjia novatore, por konsumi i qëndrueshëm është po aq i rëndësishëm, pra ajo çfarë mund të bëjmë ne. Ndryshimi i sjelljes qëndron në qendër të arritjes së qëllimeve tona me zero neto”, tha ai.

Lexo: Plani i Biden për të rregulluar internetin e Amerikës

Jürgen Tzschoppe, Zv.President Ekzekutiv i Energjisë Ndërkombëtare në Statkraft, adresoi vlerën e aplikimit të energjisë së rinovueshme dhe tha se: “Energjia elektrike e re do të vijë nga burimet e rinovueshme. Kjo nuk është rrugë me një drejtim dhe ne do të ndryshojmë trendin duke luftuar ndryshimet e klimës. Në fakt, ndryshimet e pashembullta të teknologjisë në sektorin e burimeve të rinovueshme e kanë bërë energjinë diellore dhe atë të erës, dy prej fuqive më të qëndrueshme ekonomikisht për të prodhuar. Teknologjia ka ndihmuar në dy nivele, prodhimtari më të lirë, më të mençur dhe më pak rrezik për njerëzit në drejtimin dhe menaxhimin e sistemeve.”

Dr. Rene Arnold, Zv.Presidenti i Strategjive të Çështjeve Publike te Huawei e kundërshtoi mitin se konsumi i energjisë është veçanërisht i lartë në industrinë e TIK. Teksa pranoi se rritja e qendrave të të dhënave dhe sajteve wireless ka sjellë një rritje të kërkesës për energji, Dr. Rene theksoi rëndësinë e dixhitalizimit të energjisë për të rritur efikasitetin dhe për të ulur kostot e larta të funksionimit dhe mirëmbajtjes.  Ai tha se “Nuk mund të mohohet që përshpejtimi në gjithçka dixhitale po krijon pajisje dhe aplikacione që kanë nevojë për më shumë energji, por në thelb të saj ka të bëjë me mënyrën se si ne i përdorim teknologjitë dixhitale në avantazhin tonë për të nxitur avancimin dhe rritjen ekonomike, ndërkohë që përmbushim objektivat e qëndrueshmërisë. Përdorimi i potencialit të TIK për të transformuar sektorin është i madh dhe ne si Huawei jemi të përkushtuar drejt këtij qëllimi për të krijuar një ndikim përgjithësisht pozitiv për industrinë dhe planetin tonë.”

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0