Industria e bimëve medicinale në Shqipëri - mjet për uljen e varfërisë në zonat rurale - Business Magazine Albania

Industria e bimëve medicinale në Shqipëri – mjet për uljen e varfërisë në zonat rurale


Eksportet e bimëve medicinale llogariten 40 milionë $ në vit dhe rreth 90 mijë vetë janë të punësuar. ​

Ministrja e Zhvillimit Ekonomik, Turizmit, Tregtisë dhe Sipërmarrjes, Milva Ekonomi mori pjesë në konferencën kombëtare shqiptare të bimëve medicinale dhe aromatike të zhvilluar në Hotel Tirana.

Të pranishëm ishin kompanitë kryesore të sektorit që përbëjnë rreth 85 % të forcës grumbulluese, përpunuese, eskportuese të bimëve medicinale në vend.

Qëllimi i kësaj konference është që e gjithë kjo industri të flasë në një zë, të rrisin bashkëpunimin mes tyre, të rrisin cilësinë dhe vendet e punës. Të punësuarit janë kryesisht në zonat rurale dhe kjo industri ka një efekt të madh në zbutjen e varfërisë në këto zona.

​Në fjalën e saj, ministrja Ekonomi theksoi se ky sektor prodhon 47% të bimëve medicinale dhe aromatike në Ballkan dhe punëson direkt dhe indirekt shtresën më të varfër të popullsisë.

Ajo foli për ndihmën me fonde mbështetëse që ministria e Ekonomisë i ka dhënë këtij sektori, ku dy vitet e fundit katër biznese kanë fituar fondin e konkurrueshmërisë dhe dy biznese fondin start-up. Ajo tha se në qeverisjen e ardhshme kjo mbështetje do të vazhdojë.

Burimi: ata.gov.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0