IDEA 2021 gati për procesin e trajnimit të startupeve - Business Magazine Albania

IDEA 2021 gati për procesin e trajnimit të startupeve

IDEA 2021

Pas përfundimit të aplikimeve për IDEA 2021, qendra “Balancë” ka nisur të njoftojë startup-et e përzgjedhura për axhendën që do të ndjekin në trajnim e të gjithë rrugëtimin e IDEA-s.

IDEA ofron një qasje novatore në mësimin e përzier. IDEA 2021 është në bashkëpunim të forte me AIDA-n dhe disa Bashki në vend si: Tiranë, Kamëz, Vlorë, Berat, Fier, Gjirokastër, Dibër, Mat, Korçë dhe Shkodër.

Jetona Myteveli, drejtuese e qendrës Balancë, tregon se, “trajnimet do të jenë në nivel rajonal dhe do të përfshijnë elementin e konkurrencës. IDEA 2021 ofron një mundësi unike për 300 start-up novatore, për të rritur kompetencat e tyre sipërmarrëse dhe aftësitë e biznesit, duke i ndihmuar ata të zhvillojnë aftësitë e nevojshme për gjenerimin e ideve dhe për të realizuar një plan biznesi përfundimtar, bindës. IDEA 2021 kombinon trajnimin dhe këshillimin për zhvillimin e biznesit”.

Trajnimet IDEA zhvillohen me metodologjinë CEFE për të përmirësuar shërbimet e zhvillimit të biznesit në Shqipëri. CEFE është një metodologji trajnimi shumë përfshirëse, e përdorur në më shumë se 70 vende të botës, e cila përfshin përvojën teorike dhe praktike për të ofruar trajnime për planifikimin e biznesit. 8 ditë trajnimi shumë aktiv do të ndahen në trajnimin bazë të aftësive sipërmarrëse dhe trajnime të avancuara, të ndjekura nga më shumë se 2 muaj këshillim.

Lexo: Si të gjeni motivimin pasi startup-i juaj dështon?!

Qendra  “Balance” është një OJQ e sapokrijuar në vitin 2020 me ambicie për të promovuar rritjen e

balancuar të individëve, grupeve dhe komuniteteve, institucioneve të sektorit publik dhe privat dhe

organizatave. Misioni ynë është të fuqizojmë dhe aftësojmë njerëzit që të bëjnë ndryshime te

qëndrueshme për jetën e tyre dhe për nje Shqipëri më të mirë.

Qendra “Balance” pajis individët, komunitetet, biznesin dhe organizatat me mjete, njohuri dhe

kontakte që u nevojiten për të rritur të ardhurat e tyre dhe për të fituar akses në shërbime – duke i

fuqizuar ata të bëjnë zgjedhje dhe t’i transformojnë ato zgjedhje në veprime dhe rezultate të

dëshiruara; për të kontribuar dhe përfituar nga zhvillimi i rritjes socio-ekonomike në Shqipëri. Jetona thekson se, “Puna jonë fokusohet në mundësimin e katër faktorëve thelbësorë për zhvillimin e suksesshëm: zhvillimin nepermjet pjesëmarrjes, ndryshimit sistematik, pergjegjshmerine dhe zgjidhjet inovative të kontekstualizuara”.

Shërbimet e zhvillimit të kapaciteteve të Qendrës “Balance” përfshijnë – angazhimin e palëve të interesuara, vlerësimin e nevojave të kapaciteteve, formulimin e përgjigjes për zhvillimin e kapaciteteve, zbatimin e përgjigjes për zhvillimin e tyre dhe vlerësimin e masave për ta bërë këtë. Balancë ofron trajnime teknike dhe të përshtatura, shërbime për zhvillimin e biznesit, zhvillimin e sipërmarrjes, trajnimin, coaching dhe mentorimin.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0