"ICT Diploma e Vitit", Albana Roçi: "Iris Recognition një ndër metodat me të sigurta" - Business Magazine Albania

“ICT Diploma e Vitit”, Albana Roçi: “Iris Recognition një ndër metodat me të sigurta”


Albana Roçi është nga Tirana dhe tema e diplomës me të cilën konkurroi në ICT Awards quhet “Iris Recognition”, si një nga degët e Biometrikës e cila trajton teknologjinë e identifikimit të personave duke u bazuar në tiparet fiziologjike të individit. Kohët e fundit përdorimi i shenjave të gishtërinjve, njohja sipas tipareve të fytyrës apo syve është futur në fushën e sigurisë. Zhvillimi i algoritmeve biometrike është bërë një fushë shumë tërheqëse dhe sfiduese për kërkuesit shkencorë. 

BM: Përshëndetje Albana. Përgëzime për çmimin “ICT Diploma e Vitit”. Përpara se të flasim për projektin tënd, a mund të na bësh një përshkrim të shkurtër të vetes tuaj ?

Albana Roçi: Unë jam nga qyteti i Peshkopisë, por aktualisht banoj në Tiranë. Studimet e larta, bachelor dhe master, i kam kryer në universitetin Epoka, pranë departamentit të Inxhinierisë Kompjuterike. Nga viti 2014, kam punuar si asistente kërkimore në universitetin Epoka.

BM: Si ndiheni pas fitores të këtij çmimi? Kush ishin mbështetësit për të marrë pjesë në ICT Awards?

Albana Roçi: Çmimi “ICT Diploma e vitit” ka rëndësi të veçantë për mua, sepse ky është një vlerësim i punës tonë mes shumë projekteve interesante. Një falenderim të veçantë ndaj udhëheqësit të temës time të diplomës Dr. Arban Uka dhe familjes time.

BM: Çfarë është “Iris Recognition”? Na trego më shumë rreth këtij projekti.

Albana Roçi: Iris Recognition është një nga degët e Biometrikës, e cila merret me identifikimin e personave bazuar në strukturen e irisit. Qëllimi i këtij projekti është të arrihet përmirësimi i saktësisë, ulja e gabimit dhe optimizimi i kohës së ekzekutimit. Iris Recognition ka pesë faza kryesore: përftimi i databazës, segmentimin, normalizimin, enkodimin dhe krahasimin. Ne kemi kontribuar në fazën e segmentimit dhe të enkodimit të informacionit.

BM: A është realizuar si projekt apo ngelet thjesht një temë diplome?

Albana Roçi: Në punët kërkimore ka gjithmonë vend për përmirësime, unë aktualisht po punoj akoma me Iris Recognition. Në të ardhmen mund të realizohet si projekt për tregun shqiptar.

BM: Ku e gjen përdorimin kjo risi? Cilat janë fushat e aplikimit?

Albana Roçi: Iris Recognition ndihmon në fushen e sigurisë se informacionit. Ajo mund të gjejë përdorim në sistemet bankare, në mundësimin e hyrjes në ndërtesa dhe pajisjeve, në dogana, në aeroporte etj.

BM: Sa e sigurtë është kjo metodë biometrike njohjeje në qoftë se përdoret për këto platforma apo sisteme(banka, aeroporte, etj.)?

Albana Roçi: Iris Recognition është një ndër që janë përdorur për sigurinë, sepse irisi ka model unik, nuk ndryshon me kalimin e moshës, është i dukshëm, nuk mund të ndryshohet në mënyrë kirurgjikale pa dëmtuar shikimin e personit.

BM: Pse menduat pikërisht këtë temë për të bërë diplomën tuaj? Çfarë iu tërhoqi?

Albana Roçi: Unë zgjodha të punoja në Biometrikë sepse në temën e diplomës së bachelorit kam punuar me algoritmat e Inteligjencës Artificiale dhe kjo fushë ishte e njohur për mua. Zhvillimi i algorithmave në Iris Recognition është një fushë interesante dhe sfiduese. Gjithashtu këto algoritma kanë një model shumë të bukur matematikor, e cila është edhe arsyeja pse zgjodha të punoja me këtë projekt.

BM: Së fundmi, cilat janë planet tuaja për të ardhmen?

Albana Roçi: Në planet e mia për të ardhmen përfshihet përfundimi i studimeve të doktoratës.

BM: Faleminderit për intervistën dhe suksese!

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0