ICT Awards për herë të parë në Ulqin, takim në Kosovë me Ministrin për Zhvillim Ekonomik, Ministrin e Inovacionit dhe Kryetarin e Prishtinës - Business Magazine Albania

ICT Awards për herë të parë në Ulqin, takim në Kosovë me Ministrin për Zhvillim Ekonomik, Ministrin e Inovacionit dhe Kryetarin e Prishtinës


Kur kanë ngelur vetëm 12 ditë nga mbyllja e aplikimeve në edicionin e gjashtë, Albanian ICT Awards për herë të parë vizitoi me 14 Mars qytetin e Ulqinit.

Në një pritje të jashtëzakonshme nga Gjimnazi “Vëllazërim Bashkim”, Shkolla e Mesme “Drita” përcjellë nga Televizioni lokal Teuta, ekipi i ICT Awards u shoqërua nga anëtari i jurisë në edicionin e pestë Prof Ilir Çapuni.

Nxënësit e shkollave kishin rezervuar një mikpritje të ngrohtë duke afirmuar më tej karakterin mbarëkombëtare të një gare e cila çdo vit sjell bashkë shqiptarët e Shqipërisë, Kosovës, Maqedonisë dhe Malit të Zi në një prej aktiviteteve më të shquara të teknologjisë dhe informacionit.

Albanian ICT Awards çeli edicionin e gjashtë më 2 Shkurt në një aktivitet të cilit ju bashkua edhe Kryebashkiaku i Tiranës Erion Veliaj dhe Ministri për Zhvillim Ekonomik i Kosovës Valdrin Luka.

Më 15 Mars përfaqësues të Albanian ICT Awards nga Juria dhe pjesa organizative e kësaj nisme u pritën nga Ministri për Zhvillim Ekonomik i Kosovës z. Valdrin Lluka.

Ai u njoh më nga afër me ecurinë e deritanishme të garës mbarëkombëtare, por gjithashtu Ministri prezantoi disa prej projekteve më ambicioze të dikasterit që drejton duke shprehur vullnetin e plotë për bashkëpunim të sinkronizuar me aktorët e ekosistemit të inovacionit.

Po të njëjtën ditë Ministri i Inovacionit dhe Ndërmarrësisë, z. Besim Beqaj priti delegacionin e Albanian ICT Awards në kuadrin e turit mbarëkombëtar të kësaj nisme.

Lexoni: Mes emocionesh dhe surprizash hapet edicioni i 6-të i Albanian ICT Awards

Mikëpritjet e ngrohta të Prishtinës vijuan me kryetarin inovativ Shpend Ahmeti, i cili pranoi me kënaqësi ftesën në mbrëmjen gala të edicionit të gjashtë që do të mbahet me 27 Prill.

Në vazhdën e fushatës mbarëkombëtare me qëllim inkurajimin e inovatorëve, studentëve, sipërmarrësve dhe entuziastëve të teknologjisë ICT Awards ishte në Prishtinë përmes një takimi të hapur me komunitetin e ICT-së.

Paneli ishte i përbërë me histori suksesi dhe partnerë ndër vite me të ftuarit si Visar A. JasiqiJeton SiqecaAbetare GojaniBesfort GuriBlerta ThaciLekë ZherkaMimoza BytyqiArdian A. AlajKushtrim Shala.

Së fundi java u mbyll më 17 Mars në një takim me studentë të përzgjedhur të Universitetit për Biznes dhe Teknologji në Prishtinë i cili është njëherazi partner dhe sponsor tradicional i kësaj nisme.

Edicioni i gjashtë fillon rrugëtimin me mbështetjen e sponsorëve tradicionalë Fondacioni Dritan HoxhaBanka Raiffeisen dhe Albvision. Një rrjet i gjerë partnerësh dhe mbështetësish do të gjenden pranë ICT Awards përgjatë rrugëtimit.

Dy muaj nga starti, janë mbajtur plot 15 takime në kuadër të edicionit të gjashtë.

Aplikimet do të vijojnë deri më 31 Mars 2018 dhe të interesuarit mund të aplikojnë përmes faqes zyrtare ictawards.org.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0