Pajisja është në gjendje të kapë dhe të mbajë mbeturina që kanë madhësinë e pajisjeve të mëdha të peshkimit, të njohura si “rrjeta fantazmë”, deri te mikroplastikat e vogla që janë 1 milimetër.
“Sot, unë jam shumë krenar të ndaj me ju që tani jemi duke pastruar plastikën nga oqeani”, tha themeluesi dhe CEO i Ocean Cleanup Boyan Slat në një konferencë shtypi në Roterdam.
Lexo: Oqeani është shumë i ndotur. Adidas synon të shesë 11 milionë atlete nga plastika e ricikluar
Sistemi i Pastrimit të Oqeanit është një mjet në formë U-je që qëndron nën sipërfaqen e ujit. Ajo lëviz sipas rrymës së ujit dhe mbledh plastikat, të cilat janë në lëvizje. Peshqit dhe kafshët e tjera të ujit do të jenë në gjendje të notojnë nën të.
Pastruesi i Oqeanit do të jetë në gjendje të zvogëlojë sasinë e plastikës në planet. “Tashmë ne kemi një sistem të vetëpërmbajtur, i cili synon të pastrojë oqeanin nga ndotja e plastikës. Por, ende ekzistojnë disa pengesa që duhen kapërcyer përpara se të arrijmë të përmirësojmë sistemin”, tha Slat.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
