Huawei sponsorizon Tirana Inc me pajisjen inteligjente Huawei IdeaHub - Business Magazine Albania

Huawei sponsorizon Tirana Inc me pajisjen inteligjente Huawei IdeaHub

Huawei

Huawei është një nga sponsorat kryesorë të Tirana Inc dhe në mbështetje të kësaj nisme ka dhuruar për studentët pjesëmarrës pajisjen më novatore dhe inteligjente në treg, Huawei IdeaHub. Kjo pajisje, me të gjitha opsionet e saj, pasuron ndjeshëm seancat mentoruese të studentëve gjatë rrugëtimit në këtë program.

Të pranishëm në këtë takim bashkëpunimi ishin bashkëthemeluesi i Preneur. Amsterdam Z. Arjan Goudsblom, përfaqësues nga kompania Huawei në Shqipëri dhe drejtues të Tirana Inc, të cilët diskutuan mbi avantazhet që sjell teknologjia e re e informacionit në zhvillimin e vendit, kryesisht në fushën e arsimit.

Huawei IdeaHub është një mjet produktiviteti për zyrën inteligjente, e cila bashkon shkrimet, video konferencat me definicion të lartë (HD) dhe mundësitë për të qenë i lidhur përmes wireless. Nëpërmjet kësaj pajisje të zgjuar, studentët shqiparë do të kenë mundësinë të ndërtojnë një botë plotësisht të lidhur dhe inteligjente.

Fjalën hapëse në këtë takim e mbajti Z.Arjan Goudsblom, i cili u shpreh se  Preneurz.Amsterdam është shumë mirënjohës ndaj Huawei që po vendos në dispozicion pajisjen IdeaHub për ekipet studentore që marrin pjesë në Tirana.Inc. “Bashkëpunimi, kreativiteti dhe stuhia e ideve janë aftësi shumë të rëndësishme për t’u zhvilluar për sipërmarrësit aspirantë dhe IdeaHub është një mjet i shkëlqyer lehtësues,” tha ai.

I pranishëm në këtë takim ishte edhe Drejtuesi i Huawei për Bizneset në Shqipëri, Maqedoni dhe Kosovë, Z.Marjan Hoxha, i cili në fjalën e tij evidentoi se Huawei do të vazhdojë të sjellë në Shqipëri praktikat dhe pajisjet më të fundit të teknologjisë elitare. “Investimi në arsim është thelbësor për përparimin e shoqërisë. Huawei do të mbështesë gjithmonë nismat e të rinjve dhe do të nxisë krijimtarinë e tyre në fushën e novacionit”- u shpreh ai.

Huawei, udhëheqësi global i telekomunikacionit, me prezencë në më shumë se 170 vende është përkushtuar të krijojë vlera maksimale për operatorët, kompanitë dhe klientët e telekomunikacionit, duke siguruar zgjidhje dhe shërbime konkurruese. Shumë kompani kanë zgjedhur Huawei si partnerin e tyre për transformimin dixhital, prandaj dhe Shqipëria ka zgjedhur të bashkëpunojë me gjigantët e teknologjisë për të ecur përpara. Në vendin tonë kompania operon prej vitit 2008, duke sjellë në tregun lokal fjalën e fundit të teknologjisë së komunikimit dhe informacionit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0