Hollywood në kohën e Covid-19: Testime të shpeshta dhe humbje të mëdha

Unioni i Studiove Filmike të Hollywood-it ka propozuar që të bëhen teste masive për të gjithë punëtorët për të lejuar aktorët dhe anëtarët e ekuipazhit të rifillojnë prodhimin e filmave dhe TV Show, që mbetën pezull si pasojë e Covid 19.  Task-forca që është ngritur brenda Hollywood-it ka dërguar dhjetëra rekomandime guvernatorëve të Nju Jorkut dhe Kalifornisë që janë edhe dy prej korporatave më të mëdha prodhuese të filmave dhe po presin dritën jeshile për përfunduar setet e xhirimit. Xhirimet në të gjithë botën u ndalën në mesin e marsit për të ndihmuar në frenimin e pandemisë së koronavirusit.

Në një dokument 22 faqesh, task-forca iu kërkon atyre testim masiv për stafet, monitorim të përditshëm të temperaturës dhe kontrolli i simptomave si dhe pajisjen në masë me maska. Megjithatë maska do përdoret kur aktorët të jenë afër me njëri-tjetrin, por jo duke xhiruar skenat e filmave. Ata do të këshillohen që të minimizojnë skenat me kontakt të ngushtë ose të përdorin efektet dixhitale për të realizuar momentet intime. Shfaqjet televizive gjithashtu nuk do të lejohen të xhirojnë para një publiku.

Udhëzimet u hartuan nga një grup pune me përfaqësues nga Walt Disney, Netflix, Warner Bross, Universal Studios etj. Gjithashtu për kryerjen e testimeve do të përcaktohet një vend i posaçëm ku aktorët dhe punëtorët do të testohen me radhë dhe nëse rezultojnë pozitiv nuk do të jenë pjesë e filmave ku ata janë parashikuar të interpretojnë. Kompanitë e filmave prej më shumë se tre muajsh kanë qenë të mbyllura duke pësuar shumë humbjet më të mëdha në dekadat e fundit.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale