Britaniku Mohammed Ali, 16 vjeç, nisi kompaninë e tij të parë kur ishte 12 vjeç.
16-vjeçari ka fituar më shumë se 40 mijë sterlina me video-lojën dhe aplikacionin që ka krijuar për bursat.
Adoleshentit iu ofruan 5 milionë sterlina për faqen e tij të re nga amerikanët, por ai nuk pranoi.
Ali thotë se do të lançojë një faqe për krahasim çmimesh me partnerin e tij në biznes, 60-vjeçarin Chris Thorpe, duke shtuar se faqja nuk ka rivalë.
Ai thotë se e refuzoi ofertën e amerikanëve në dhjetor, pak përpara Krishtlindjes, pasi është i bindur se faqja e tij vlen më shumë dhe vlera do i rritet akoma.
“Arsyeja kryesore përse e refuzuam ofertën ishte se nëse teknologjia dhe koncepti vlen miliona tani, imagjino sa do vlejë kur njerëzit ta përdorin,” tha ai.
Faqja e tij u vjen në ndihmë të gjithë atyre që duan të mësojnë se si të kursejnë paratë.
Ajo lajmëron blerësit dhe shitësit për produktet e vlefshme, duke nisur që nga pronat e deri tek pajisjet elektronike.
Çmimet përditësohen në mënyrë të vazhdueshme.
Faqja është bërë gati dhe do të lançohet në fund të muajit.
Adoleshenti jeton akoma me familjen e tij dhe thotë se interesi për kompjuterat i ka lindur që kur ishte i vogël.
burimi: shqiptari.eu
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
