Hillary Clinton: Kriptomonedhat kanë potencialin të destabilizojnë kombet dhe monedhat tradicionale - Business Magazine Albania

Hillary Clinton: Kriptomonedhat kanë potencialin të destabilizojnë kombet dhe monedhat tradicionale

Kriptomonedhat

Hillary Clinton nuk është një adhuruese e kriptomonedhave dhe ajo mendon se miratimi i përhapur për to mund të dëmtojë monedhat tradicionale, duke përfshirë dollarin, dhe të destabilizojë kombet, të mëdha dhe të vogla.

Ish-kandidatja demokrate për presidente dhe sekretare e shtetit i bëri komentet gjatë një paneli diskutimi në Forumin e Ekonomisë së Re të Bloomberg në Singapor të premten.

“Ajo që duket si një përpjekje shumë interesante dhe disi ekzotike për të krijuar monedha të reja për të bërë tregti me to, ka potencialin për të minuar monedhat, për të minuar rolin e dollarit si monedhë rezervë, për destabilizimin e kombeve”, tha ajo.

Komentet e Clinton vijnë ndërsa vendet po përballen me adaptimin dhe rregullimin e kriptomonedhave. Kina ka ndaluar përdorimin privat të kriptomonedhave, duke i bërë të paligjshme të gjitha aktivitetet e biznesit të lidhura me kriptovalutat. Projektligji i infrastrukturës amerikane prej 1 trilion dollarësh i miratuar së fundmi sjell rregulla më të ashpra për taksat e tregtisë së kriptove. Ndërkohë, disa vende në zhvillim po përqafojnë kriptomonedhat. El Salvadori miratoi bitcoin si mjet ligjor në shtator me shpresën për të përmirësuar ekonominë e tij dhe Zimbabve po mendon të bëjë të njëjtën gjë.

Lexoni: “Tre pagat e para në Bitcoin” Kryebashkiaku i ri i New York sfidon atë të Miamit: “Do bëhemi qendra e kriptomonedhave”

Kompanitë më të mëdha në botë tashmë po përdorin blockchain, teknologjinë që fuqizon kriptomonedhën, duke përfshirë Amazon, Cargill, CVS, IBM, Seagate dhe Visa. Drejtorët ekzekutivë duke përfshirë Elon Musk, Richard Branson dhe Jack Dorsey, dhe zyrtarë qeveritarë si kryebashkiaku i Majamit, Francis Suarez dhe kryetari i ardhshëm i bashkisë së Nwë York, Eric Adams, të gjithë kanë shprehur mbështetje për kriptomonedhat dhe miratimin e tyre për përdorim më të gjerë.

Ndërkohë, Amerika e Veriut është bërë viktima më e madhe në botë e sulmeve ransomware – duke paguar 131 milionë dollarë në kriptomonedhë kriminelëve në vetëm një vit mes rritjes së shpejtë të adaptimit të kriptomonedhave, tregoi një studim i ri nga Chainalysis.

Shumica e sulmeve të bazuara në kripto ishin të lidhura me grupe kriminale kibernetike me bazë në Rusi, shtoi studimi.

Shqetësimet e Clinton për kripto-n ishin “të drejtpërdrejta”.

Clinton trajtoi gjithashtu temën e sigurisë kibernetike gjatë panelit në lidhje me fushatat e huaja të dezinformimit dhe luftën kibernetike që vazhdojnë të paraqesin sfida për SHBA-në dhe shtetet e tjera perëndimore.

/businessinsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0