Ministri i Transporteve, Edmond Haxhinasto, paralajmëron penalitete për qytetarët që dëmtojnë sinjalistikën rrugore. Ai së bashku me drejtorin e Autoritetit Kombëtar të Rrugëve, Dashamir Xika, kanë inspektuar punimet që po kryhen për përmirësimin e sinjalistikës rrugore në aksin Rrogozhinë-Kapshticë, projekt i cili kap vlerën e 8 miliardë lekëve.
Dëmtimi i sinjalistikës së sapo vënë në disa zona ka bërë që ministri të adresojë këtë apel ndaj qytetarëve, duke bërë të qartë se nuk do të tolerohen dëmtuesit, ai tha se do ketë gjoba nga 25 mijë deri 100 mijë lekë të reja.
Haxhinasto përmendi edhe punën që po bëhet në aksin Fushë Krujë-Hani i Hotit, degëzimi drejt Muriqanit ku siç tha ai janë eliminuar 38 pika të rrezikshme për qarkullimin rrugor.
Ministri cilësoi një projekt të rëndësishëm atë për mirëmbajtjen e 1300 km akse rrugore kombëtare.
/Balkanweb/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
