Agjencia për Zhvillimin Bujqësor dhe Rural ka hapur aplikimet për fermerët me qëllim subvencionimin në disa sektorë. Thirrja për aplikime do të qëndrojë e hapur nga data 25.02.2022 deri më 25.03.2022.
Fondi i vënë në dispozicion këtë vit është 3.2 miliardë, ku rreth 1 miliardë lekë do të shkojë vetëm për naftën falas që do të përdoret në bujqësi. Skema Kombëtare e këtij viti parashikon mbështetje për bujqësinë, kryesisht për inputet bujqësore nga 200-500 mijë lekë për hektarë, serat diellore ku subvencionohet në 50% të vlerës totale të faturave tatimore, por jo më shumë se 13 milionë lekë për hektarë, bimët aromatiko mjekësore 60 mijë deri në 1 milion lekë për hektarë, dhe 100-200 mijë lekë për fermat organike. Në blegtori, përcaktohet se për tufën bazë të matrikulluar (kafshët riprodhuese), për fermat me jo më pak se 100 krerë dele dhe/ose dhi, mbështetja është në vlerën 1 200 lekë/krerë, por jo më shumë se 360 mijë lekë për subjekt. Ndërsa për fermat me jo më pak se 10 krerë lopë, jepet mbështetje në vlerën 10 mijë lekë/krerë, por jo më shumë se 500 mijë lekë për subjekt. Financim është parashikuar gjithashtu edhe për bletarinë me 1 mijë lekë për zgjua për ferma me jo më pak se 50 zgjoje si dhe do të mbështetet rinovimi dhe blerja e anijeve të peshkimit.
Sipas udhëzimit, për disa nga masat fermerët do të mund të aplikojnë vetëm me vetëdeklarim përmes e-albania, pa dorëzuar asnjë dokument, ndërsa për një pjesë të masave aplikimi bëhet me dosje fizike pranë AZHBR.
Përfitues mund të jenë fermerët individual apo grupe fermerësh, dhe kusht është pajisja me NIPT. Po ashtu, fermerët duhet të kenë bërë shlyerjen koherente të sigurimeve shoqërore të sigurimeve shëndetësore.
Për më shumë informacion klikoni këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
