Greqia ka vendosur më në fund të hapë kufijtë me Shqipërinë. Sipas qarkores që pritet të shpërndahet brenda ditës në të gjithë pikat kufitare të vendit, që prej datë 19 qershor, në Greqi do të lejohet të kalojnë të gjitha kategoritë e udhëtarëve për qëllimi familjare dhe turistike.
Vendimi është marrë nga ministria e Turizmit të Greqisë. Në këtë mënyrë Greqia, ndoqi rekomandimin e Këshillit të Bashkimit Evropian, i cili vendosi të mërkurën, të heqë kufizimet e udhëtimeve për disa vende të reja, mes tyre edhe vendi ynë.
Në pikat kufitare do të kryhen prej autoriteteve teste të rastësishëm. Deri në datën 28 mbeten në fuqi kuotat prej 1500 personave në ditë në Kakavijë, 250 në Qaf Botë dhe 400 në Kapshticë dhe më vonë pritet liberalizimi total i lëvizjes.
Së fundmi, Këshilli Europian përditësoi listën e vendeve të treta për të cilët duhen hequr kufizimet e udhëtimeve jo-esenciale bazuar në situatën epidemiologjike në vend, mes tyre edhe Shqipëria.
Këto kufizime, sipas Këshillit duhet të hiqen gradualisht teksa kjo listë do të rishikohet çdo dy javë. Bazuar në kriteret dhe kushtet e përcaktuara në rekomandim, që nga 18 qershori 2021 vendet anëtare duhet të heqin gradualisht kufizimet e udhëtimit në kufijtë e jashtëm për banorët e vendeve nga:
- Shqipëria
- Australia
- Izraeli
- Japonia
- Libani
- Zelanda e Re
- Republika e Maqedonisë së Veriut
- Ruanda
- Serbia
- Singapori
- Korea e jugut
- Tajlandë
- Shtetet e Bashkuara të Amerikës
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
