Gratë sipërmarrëse, tashmë me një përfaqësi zyrtare Hako: bëhuni pjesë e Dhomës të mbështesim njëra-tjetrën dhe sipërmarrjet e reja - Business Magazine Albania

Gratë sipërmarrëse, tashmë me një përfaqësi zyrtare Hako: bëhuni pjesë e Dhomës të mbështesim njëra-tjetrën dhe sipërmarrjet e reja

Dhoma Ekonomike e Gruas
~4 minuta lexim

Gratë sipërmarrëse dhe vajzat e reja që duan të nisin një biznes mund të kenë tashmë një përfaqësi të tyren.

Dhoma Ekonomike e Gruas sapo është krijuar. Me gra sipërmarrëse në bizneset në prodhim, shërbim e konsulencë, kjo Dhomë synon të jetë zëri dhe pika fuqizuese e sipërmarrjeve.

Në ceremoninë e hapjes merrnin pjesë dhjetëra gra sipërmarrëse, ekspertë, zyrtarë e përfaqësues të qeverisë.

Kryetarja e Dhomës Ekonomike Antonela Hako tha se, “Gratë në karrierë dhe biznes përballen me sfida të mëdha. Flasim për aksesin e ulët në financa, përfaqësimin i vogël në drejtimin ligjor të biznesit në vendin tonë, mungesë informimi, shpesh here dhe vetëpërjashtim ose kufizim nga rrethi social për shkak të angazhimeve të shumta. Takimet me institucionet dhe aktorë të ndryshëm na kanë rikonfirmuar edhe një herë problematikat reale të grave në sipërmarrje, por njëkohësisht nga kanë siguruar partneritet strategjik dhe mbështetje”.

Një model i mirë organizimi vjen nga Dhoma Ekonomike e Gruas në Kosovë. Kryetarja e kësaj Dhome, zonja Afërdita Saraçini solli përvojën e dhomës themeluar nga 7 gra 7 vite më parë. “Pavarësisht vështirësive, gratë po tregohen këmbëngulësem tha ajo. Si themeluese e RTV21, ajo tregoi se, hapi emisionin “Startup” dedikuar sipërmarrjet, çka ishte një zë e promovim për sipërmarrjen. “Prandaj ftoj të gjitha gratë udhëheqëse të mediave që të gjejnë të gjitha mënyrat të mbështesin gratë në sipërmarrje”.

Gjatë ceremonisë së hapjes, ministrja Denaj tha se, kjo është një nismë e vonuar, por ende në kohën e duhur për të rritur përfaqësinë e gruas dhe për të fuqizuar zërin e saj.

Majlinda Bregu, Sekretare e Përgjithshme e RÇ tha në fjalën e saj përshëndetëse se, “Shpresoj që grupimi i grave të jetë pjesë e një rrjeti më të gjerë rajonal dhe europian. Në nivel rajonal, sipërmarrja femërore është në 27.5% e totalit. Të gjitha studimet tregojnë se një angazhim më i madh i gruas në sipërmarrje, jep një kontribut edhe më të madh në rritjen ekonomike. Të dhënat e fundit tregojnë se për shkak të pandemisë, papunësia te gratë në Ballkanin Perëndimor ka shkuar në 55% nga 48 % që ishte para pandemisë”.

Lexo: BERZH do të trajnojë startup-et përmes programit Star Venture

Studime të shumta tregojnë se gratë kanë me pak akses në financa, çka e bën më të vështirë për to përballimin e situatave të krizës”.

Ndërkohë, Ministri i Mbrojtjes së Sipërmarrjes Eduart Shalsi, pohoi se, “Në një vit e gjysëm si në  një vit e gjysëm në këtë detyre, “më ka ndodhur që gratë, ndryshe nga burrat kanë prezantuar jo vetëm problemin, por edhe zgjidhjen apo sugjerimet si do ta zgjidhin këtë situatë”.

Dhomas Ekonomikë e Gruas synon të sjellë opinionet, shqetësimet, sfidave, vështirësive grave sipërmarrëse. Por dhe arritjet, historitë motivuese dhe sukseset e tyre. Kjo do të shërbejë si nxitje për sipërmarrjet e reja. Me moton “një grua më e fortë në ekonomi, sjell prosperitet për familjen dhe shoqërinë”, Dhoma Ekonomike e Gruas synon të:

– Mbrojë interesa ekonomike dhe sociale të grave sipërmarrëse, profesioniste dhe të

vetëpunësuara nga të gjitha sektorët e ekonomisë.

– Ofrimin e shërbimeve ndaj tyre përmes zhvillimit të politikave favorizuese per

mbështetjen ekonomike dhe sociale

– Ofrim i veprimtarive promovuese dhe zhvilluese. Trajnimit dhe mentorimit

– Bashkëpunime kombëtare dhe rajonale

– Zgjerimit te tregu në nivel rajonal

– Ngritje të një rrjeti network

– Projekte dhe konsulenca

– Informimi të vazhdushëm

– Mbështetje për zhvillimin e startup-eve dhe biznesit të vogël.

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0