U zhvillua në Prishtinë takimi i grave sipërmarrëse të rajonit të Ballkanit. Rreth 250 gra sipërmarrëse u bënë pjesë e konferencës rajonale “Fuqizimi i grave ndërmarrëse, ndërtimi i urave dhe thyerja e barrierave”.
Në hotel Emerald morën pjesë sipërmarrëse nga Kosova, SHqipëria, Maqedonia e Veriut dhe Mali i Zi”.
Linda Shala, nëndrejtore e Dhomës Ekonomike të Gruas Kosovë tha se, “barrën e krizave e kanë mbartur grate, sepse bizneset e vogla janë prekur më shumë”.
Sipas saj, “Teknologjia e Informacionit do të përcaktojë të bërit biznes dhe gratë nevojitet të shfrytëzojnë këto hapësira, instrumetet dhe softwarët e rinj”.
Konferenca i mëshoi nevojës së kurseve për formim, të atyre që deri më tani nuk kanë punuar, por po nisin të angazhohen. Mësimi gjatë gjithë jetës sot është më i domosdoshëm. Kjo është sot shumë më e rëndësshme, pasi studimet po tregojnë se, tashmë kanë nisur të futen në trgun e punës edhe grate, të cilat kanë qenë pasive deri më tani. Ato kanë nevojë për riintegrim, trajnime dhe përshtatje për të shërbyer në vendet e lira të punës”.
Lexo: Mbi 60 aktivitete në Javën e Sipërmarrjes në 4 qytete
Studimet kanë treguar se Kosova do të përballet me një valë më të madhe emigracioni nga 1 janari, pas hapjes së procesit të vizave. Ndërkohë i gjithë rajoni i Ballkanit po e vuan emigracionin dhe mungesën e fuqisë punëtore.
Kryetarja e Dhomës Ekonomike te Gruas në Shëipëri, Antonela Hako, tha se duhet të përforcojmë bashkëpunimin rajonal, duke krijuar paketa të përbashkëta në fushën e turizmit dhe të lehtësojmë më tej procedurat e punësimit të të rinjve.
Një nga sfidat e grave vijon të mbetet aksesi në financë. Gratë zotërojnë vetëm 14% pronavë në Kosovë, sipas të dhënave të Institutit të Statistikave, ndërkohë niveli i depozitave të grave është 14 herë më i ulët se ai i burrave.
Përfaqësuesja e USAID në Kosovë, tha se, “po punohet për disa programe mbështetje dhe më shumë mundësi kreditimi për grate”.
Një pjesë e mire e kohës iu dedikua takimeve mes bizneseve, për të rritur mundësitë e bashkëpunimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
