Nëse ke vullnet dhe pasion për biznesin mund t’ia dalësh edhe pse nuk ke studiuar diçka në lidhje me biznesin. Mjafton përkushtimi në atë ç’ka ti vërtet dëshiron. Ju prezantojmë me disa biznesmene shqiptare, të cilat nuk kanë studiuar për biznes, por që pasioni i ka bërë t’i përkushtohen atij.
Një shembull i këtij ilustrimi është 29 vjeçarja nga Peshkopia Blerta Doçi, e cila ka studiuar në Fakultetin e Gjuhëve të Huaja dhe një tjetër universitet të dytë në degën Gjeografi. Sot zotëron një qendër kursesh të quajtur “Green Centre”, madje kohët e fundit po punon për thellimin e agjencisë turistike “Green Travel Tours”. Motoja e asgjencisë është “Travel to live, live to travel”.
Lexo: Blerta Doçi, mësuesja që ka ngritur disa biznese
“Kam mbaruar studimet për përkthim – interpretime të gjuhës greke, Shkenca Politike si dhe së fundmi Master për Administrim Publik kam vendosur t’i përkushtohem dashurisë më të madhe, krijimtarisë”, – shprehet Fjorza Mullaj.
Ajo është 28 vjeç dhe ka 11 vite që bën bizhuteri dhe i reklamon ato nën emrin “Just Fjo Accessories”.
Lexo: Fjorza Mullaji: SI DO SJELL “PARAJSËN” për adhuruesit e mineraleve, të meditimit dhe të energjive
Pezana Rexhën e kemi parë si konkurente të emisionit televiziv “Do you have an idea?”. Me projektin e saj “Pana – Storytelling Furniture” arriti deri në finale. “Pana”, nuk është një ide që sapo ka filluar. Që nga viti 2015 ajo operon në treg me këtë biznes. Pana si biznes ka funksionuar më së shumti në tregun Shqiptar, por me dërgimin e disa produkteve të vogla dhe jashtë vendit.
Lexo: Pezana Rexha: “Vetëm puna bën të mundur ndryshimin dhe rritjen”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
