Google ka vendosur të shtyjë, për një kohë të pacaktuar prezantimin e versionit të fundit të sistemit operativ Android i cili ishte planifikuar të zhvillohej të Mërkurën 3 Qershor – tashmë një muaj më vonë nga sa ishte parashikuar fillimisht. Në një deklaratë në blogun e Android, kompania tha se nuk është koha për të festuar. “Jemi të ngazëllyer t’ju tregojmë më shumë rreth Android 11, por tani nuk është koha për të festuar. Ne po e shtyjmë ngjarjen e 3 qershorit dhe lëshimin e versionit beta. Do të kthehemi së shpejti me Android 11.”
Megjithëse gjigandi i kërkimit nuk specifikoi arsyen e këtij vendimi, lajmi vjen pasi dhjetëra qytete në SHBA po përballen me një mosbindje civile pas vrasjes së George Floyd. Google ka postuar gjithashtu një deklaratë në mbështetje te komunitetit me ngjyrë: “Ne qëndrojmë në mbështetje të barazisë racore, dhe të gjithë atyre që e kërkojnë atë”.
Megjithatë Google zbuloi disa detaje rreth Android 11 në një postim në blog. Android 11 është hera e parë që Google është larguar plotësisht nga përdorimi i shkronjave dhe ëmbëlsirave, dhe në vend të kësaj është rikthyer sërish te numrat – Do të shtohen gjithashtu edhe disa opsione të reja për telefonat me ekrane me palosje, për teknologjinë 5G, për kamerat, përmbajtjet multimedia, marchine learning dhe shumë të tjera.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
