Të gjithë jemi duke u përshtatur në një mënyrë të re jetese, atë të distancimit social. Për këtë arsye, në ndihmë ka ardhur edhe Google, që ka prezantuar një sistem të ri që përfshinë “realitetin e shtuar”, për të përcaktuar distancën prej së paku dy metrash.
Sodar quhet ky inovacion eksperimental, prodhuar nga bashkëpunimi i Experiment dhe Google. Kjo pajisje përdor sistemin WebXR për të krijuar distancën prej dy metrash, duke përdorur ekranin e telefonit tuaj.
Sodar – use WebXR to help visualise social distancing guidelines in your environment. Using Sodar on supported mobile devices, create an augmented reality two meter radius ring around you. #hacktohelp https://t.co/Bu78QrEN9f pic.twitter.com/kufatNFDQk
— labs.google (@labsdotgoogle) May 28, 2020
“Me anë të kësaj teknologjie, përcaktohet limiti deri ku mund të lëvizet nëpër ambientin ku ndodhet përdoruesi. Sodar, që mbështetet nga pajisja telefonike, krijon rreth jush një diametër prej dy metrash”, thuhet në njoftimin e bërë nga kompania në Twitter.
Ky sistem është në dispozicion vetëm përdoruesit e Android. Për ta përdorur si aplikacion duhet të vizitoni sodar.withgoogle.com, në telefonin tuaj. Pasi ta keni shkarkuar duhet ta vendosni kamerën, që të shikoni në ekran limitin e caktuar deri ku mund të afroheni. Ka disa diskutime rreth distancës prej dy metrash. Organizata Botërore e Shëndetit ka deklaruar se distanca prej një metri është e sigurt, por qeveria e Mbretërisë së Bashkuar rekomandon distancën prej dy metrash.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
