Google po përballet me një problem që nuk e zgjidh dot përmes teknologjisë

Google po përballet me një problem që nuk e zgjidh dot përmes teknologjisë

~6 minuta lexim


Vitet e fundit kanë qenë të vështira për kompaninë, e cila krenohej se ishte një nga vendet më të mira në botë për të punuar. Më poshtë do të gjeni sesi Google mund të përmirësojë kulturën e kompanisë.

Google punëson disa nga njerëzit më të zgjuar në botë, të cilët punojnë në disa nga teknologjitë më të avancuara që mund të imagjinohen. Për një kohë të gjatë, ky kombinim e bëri atë një nga vendet më të mira në botë për të punuar. Google ka qenë prej kohësh legjendar për të dyja këto aftësi si dhe për kulturën e barazisë së punonjësve, e cila i ka inkurajuar punonjësit të japin feedback ndaj drejtuesve të tyre.

Vitet e fundit, kultura e punonjësve ka pësuar ndryshime edhe pse ka ende ushqime falas dhe autobusë që i marrin dhe i çojnë në punë punonjësit. Por kultura padyshim që nuk është më e njëjta.

Në fakt, New York Times ka publikuar një raport mbi ndryshimet e kulturës në Google, duke u fokusuar specifikisht në mënyrën sesi kompania i ka trajtuar përpjekjet që kanë bërë punonjësit për të bërë ndryshime në një sërë çështjesh. Ky artikull nxjerr në pah pakënaqësitë në rritje dhe problemet e vërteta që has kultura e Google. Aty ka mësime për të gjithë themeluesit dhe menaxherët e njerëzve.

Lexo këtu: Siguria e fëmijëve në internet. Qendra për të Drejtat e Fëmijëve në Shqipëri bën marrëveshje me Google

Ju e zgjidhni një problem duke folur me stafin tuaj. Duket se Google nuk është specializuar ende në këtë fushë. Në fakt, mund të themi se Google i bie shumë shkurt çështjeve të tilla.

Stafi i Google është dyfishuar që prej vitit 2015, që do të thotë se ka më shumë njerëz në kompani. Secili prej tyre sjell një sërë rrethanash, besimesh, vlerash dhe shqetësimesh në punë. Në të njëjtën kohë, kompania ka ndryshuar mënyrën sesi i adreson shqetësimet e punonjësve. Kjo i bën punonjësit të ndjehen sikur nuk po vlerësohen më si më parë.

Pakënaqësitë ndaj Google filluan në nëntor të 2018-ës kur 20.000 punonjës organizuan një vëzhgim ndaj një sërë shqetësimesh, duke përfshirë mënyrën sesi kompania merrej me rastet e ngacmimeve seksuale.

Këtë muaj, drejtoresha e operacioneve njerëzore njoftoi se do të largohej nga puna. Duke e kombinuar me atë që Times përshkruan në raport si “clamp down” për mosmarrëveshjet e brendshme, ju mund të kuptoni se ka pakënaqësi ndaj kompanisë, sidomos në mënyrën sesi drejtuesit i menaxhojnë këto mosmarrëveshje. Çështja ëshë se të zgjidhësh një problem njerëzor nuk është njësoj si të zgjidhësh një problem tekologjik. Ju mund të ndërtoni produkte dhe procese, por nuk mund të ndërtoni njerëz. Askush nuk pret që një problem kulturor të zgjidhet përmes teknologjisë. Në të vërtetë, teknologjia nuk e përmirëson kulturën, ajo vetëm e përkeqëson atë.

Ju mund t’i përmirësoni problemet e kulturës duke përmirësuar mënyrën sesi i vlerësoni dhe respektoni njerëzit. Kjo është ajo që nuk shkon tek shumë kompani. Të zgjidhësh këto probleme, nënkupton të përfshihesh me shqetësimet e punonjësve dhe të dëgjosh vërtet perspektivat e tyre. Kjo nënkupton të veproni qëllimisht në mënyrë që t’i adresoni shqetësimet e tyre aty ku duhet.

Ky është një mësim i rëndësishëm për çdo sipërmarrës. Ndërkohë që kompania juaj rritet dhe ju e shtoni stafin, do të përballeni me gjëra që nuk i kishit parashikuar. Ndërsa përballeni me këto probleme të cilat shpresojmë t’i tejkaloni, problemet do t’ju japin mundësinë të shfaqni se çfarë vlerësoni tek punonjësit tuaj.

Në fund të fundit, ajo çka është e vërtetë për çdo kompani teknologjie është fakti se stafi është pasuria më e madhe. Nuk duhet të jetë e vështirë t’i trajtoni punonjësit si të tillë.

Inc

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Inovacioni nuk është produkt i logjikës së qartë por i imagjinatës së lirë.”
— Albert Einstein
Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0
NEW

Episodi 3 "Think Big" me Genti Selenica

Baboon Delivery - Shiko tani live

Episodi 3 "Think Big" me Genti Selenica (Baboon Delivery)