Është e natyrshme që njerëzit të acarohen kur çmimet rriten. Kur një kompani e madhe luan me çmimet, është një moment për të reflektuar nëse është një shenjë e fuqisë së shfrenuar. Google u përball me ankesa të shumta të mërkurën, kur kompania njoftoi që Google Photos, shërbimi i saj dixhital i ruajtjes së fotografive, nuk do të ofronte më hapësira falas dhe të pakufizuar për ruajtjen e fotografive . Pas qershorit 2021, fotografët e apasionuar duhet të paguajnë Google për ruajtjen e fotove. E gjithë historia është shembulli tipik i një ‘’kurthi’’. Google ofroi diçka falas, i bëri njerëzit të fiksoheshin dhe pastaj vuri ne funksion arkën e parave. (Në fakt nuk ka qenë kurrë falas – Google përdor fotot tona për të trajnuar sistemet e saj të softuerit.)
LEXO:Qeveria amerikane padit Google, ka shkelur ligjin e konkurrencës
Nga njëra anë, është e vështirë të ankohesh kur një kompani kërkon te fitoje te ardhura për të mirëmbajtur një produkt të mirë. Por një nga pyetjet e mëdha në lidhje me gjigandët e teknologjisë si Google është nëse vendimi që në fund të fundit ishte i pashmangshëm dhe i natyrshëm, është në fakt një reflektim i fuqisë së tyre të pakontrolluar. Ekspertja eDina Srinivasan antitrustit Dina Srinivasan publikoi një kërkim provokues vitin e kaluar, që sugjeronte që Facebook dikur kishte insistuar për mbrojtjen e të dhënave dhe privatësisë së njerëzve – të paktën ndërsa kompania kishte konkurrencë. Sapo rivalët e rrjetit social si Myspace u bënë të parëndësishëm, Facebook mund të injoronte kundërshtimet ndaj mbledhjes së informacionit personal të njerëzve.
Ideja kryesore e Srinivasan është se paaftësia e Facebook për të ruajtur të dhënat ishte rezultat i fuqisë së tregut të kompanisë. Dikur ekzistonin aplikacione të mira për ruajtjen e fotografive dixhitale që nuk ishin në pronësi të kompanive gjigande, si Picturelife dhe Everpix. Por është e vështirë të garosh me alternativa falas ose kryesisht falas nga Google dhe Apple.
Edhe nëse njerëzit janë mjaftueshmërisht të zemëruar për të mospërdorur Google Photos, Google dhe Apple kanë shtrydhur ose eliminuar shumë prej alternativave . Tashmë gjigandët kryesisht mund të bëjnë atë që duan me aplikacionet e tyre të fotografive. Gjëja më e keqe është se ne nuk e dimë se cilat ide të mira tek aplikacionet e fotove mund të kemi humbur, sepse pak kompani mund të konkurrojnë me gjigandët që ofrojnë diçka falas. Edhe kur nuk është më falas.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
