Qeveria amerikane padit Google, ka shkelur ligjin e konkurrencës

Qeveria amerikane padit Google, ka shkelur ligjin e konkurrencës

Google

Departamenti i Drejtësisë paraqiti një padi kundër kompanisë Google nën akuzën për shkelje të ligjit të konkurrencës, duke përdorur fuqinë e saj në treg për të shmangur rivalët.

Kjo është  padia më e madhe e mosbesimit ndaj Google, e paraqitur nga Shtetet e Bashkuara, në më shumë se dy dekada, transmeton BBC.

Departamenti i Drejtësisë, së bashku me 11 shtete amerikane, paraqitën padinë të martën, duke pretenduar se Google “është portë e pasfiduar për në internet për miliarda përdorues” dhe se abuzon me pozicionin dominues për të shkatërruar konkurrencën.

“Ka ardhur koha për ta ndaluar sjelljen anti-konkurruese të Google”, thuhet në padi. Kompania simotër e Google, Alphabet, aktualisht ka vlerën në treg mbi një trilion dollarë. Në vitin 2019, vetë Google ka pasur të ardhura prej 162 miliardë dollarësh.

Lexoni: 10 ditë liri, FOMO vs. JOMO

Google e mbrojti veten pas paraqitjes së padisë, duke thënë se “njerëzit e përdorin atë sepse zgjedhin ta bëjnë një gjë të tillë, e jo sepse detyrohen ose nuk kanë alternativa”.

Ky është rasti më i madh i mosbesimit në Shtetet e Bashkuara ndaj një kompanie teknologjike, qëkur gjykata, në vitin 1999, vendosi se kompania Microsoft ka krijuar monopol në tregun e sistemeve operative kompjuterike.

Koha e paraqitjes së aktpadisë, e cila vjen vetëm disa ditë para zgjedhjeve presidenciale, mund të shihet edhe si një akt politik pasi përmbush një premtim të bërë nga Presidenti Donald Trump ndaj mbështetësve të tij për t’u kërkuar llogari kompanive të caktuara teknologjike për mbytjen e zërave konservatorë.

Aktpadia vjen më shumë se një vit pasi Departamenti i Drejtësisë dhe Komisioni Federal i Tregtisë filluan hetimet mbi praktika të pandershme në kryerjen e biznesit ndaj katër kompanive të mëdha të teknologjisë, Amazon, Apple, Facebook dhe Google.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0