Gati gjysma e bizneseve të turizmit janë informalë. Pavarësisht paralajmërimeve nga tatimet, gjatë kontrolleve të ushtruara ka rezultuar se 49% e bizneseve në turizëm punojnë në informalitet.
Drejtoria e Përgjithshme e Tatimeve ka bërë të ditur se në dy javët e fundit janë kontrolluar në terren gati 1800 biznese turizmi, nga të cilat 49% janë kapur me shkelje fiskale.
Rastet më të shumta të shkeljeve janë ato të mos-lëshimit të kuponit tatimor, për të fshehur xhiron reale, mos-regjistrimit të punonjësve apo blerjeve të mallrave të pashoqëruara me faturë, sipas tatimeve. Por, nuk mungojnë biznese tërësisht të paregjistruara, të cilat rrejdhimisht nuk paguanin asnjë detyrim.
Inspektorët e tatimeve kanë vendosur në total një gjobë me vlerë mbi 30 milionë lekë. Për tre biznese të kapur në përsëritje të shkeljes, tatimorët kanë mbyllur aktivitetin e tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
