General Motors ka rënë dakord të shesë deri në 175,000 automjete elektrike për Hertz Global gjatë pesë viteve të ardhshme.
Marrëveshja kërkon që GM të fillojë furnizimin me automjete elektrike si Chevrolet Bolt EV dhe Bolt EUV për gjigantin e makinave me qira duke filluar nga tremujori i parë i vitit të ardhshëm. Këto automjete pritet të pasohen nga modele më të reja EV në teknologjinë e baterive Ultium të kompanisë, si Chevrolet Blazer, Chevrolet Equinox dhe automjete nga markat e tjera të GM.
Lexo edhe: Firma kineze Xpeng gati të konkurojë Teslën me dy modelet e reja të makinave elektrike
GM pritet të rrisë ndjeshëm prodhimin e saj të automjeteve tërësisht elektrike në vitet e ardhshme, pasi prodhimi i makinave dhe kamionëve në Amerikën e Veriut – si dhe bateritë e përdorura për t’i fuqizuar ato – rritet. Kompania planifikon të arrijë kapacitetin e prodhimit prej 1 milion EV në Amerikën e Veriut dhe Kinë, secila, deri në vitin 2025.
GM është prodhuesi më i fundit i automjeteve që ka arritur një marrëveshje të tillë me Hertz pas Tesla dhe Polestar, një startup i automjeteve elektrike mbështetur nga Volvo. Ato marrëveshje ishin për 100,000 dhe 65,000 automjete, respektivisht, duke e bërë marrëveshjen e GM më të madhen nga të treja. / CNBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
