Shtetet federale të Gjermanisë kanë planifikuar që në total të shpenzojnë 16.5 miliardë euro në vitin 2016 për emigrantët.
Lajmi është bërë i ditur nga një studim vendas, i cili ka marrë nën shqyrtim planifikimet e bëra nga Ministritë e Financave të shteteve respektive. Fondet do të shpenzohen për strehim, ushqim, dhe një sërë shërbimesh ku përfshihen kujdesi shëndetësor, edukimi, etj. Në bazë të një përllogaritjeje, strehimi i një emigranti i kushton Gjermanisë afro 670 euro në ditë.
Një problem më serioz i menaxhimit të refugjatëve është bërë edukimi. Qeveria ka njoftuar se për të shkolluar 300.000 fëmijë që kanë kërkuar azil me prindërit e tyre, nevojiten afro 25.000 mësuesë.
Megjithatë, nuk janë vetëm fëmijët ata të cilët kanë nevojë për shkollim, pasi pjesa më e madhe e të rriturve nuk e zotëron gjuhën gjermane.
Sa i përket shpenzimeve, ekspertët thonë se përllogaritja është bërë në bazë të një projeksioni të bazuar në trendin aktual të ardhjeve të azil-kërkuesve. Shifra e shpenzimeve mund të ndryshojë në rast se parashikimi nuk do të jetë i saktë. Kjo do të thotë se në rast se në vend do të vijnë më shumë emigrantë shpenzimet do të rriten dhe anasjelltas.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
