Kryefjala e fundvitit për sipërmarrjet dhe bizneset janë fushatat promovuese, të cilat kanë qëllim të maksimizojnë vizibilitetin e brande-ve kundrejt kompetitorëve. Në një re babagjyshësh, elfësh, pemësh me drita, e të tjerë, disa fushata bien në sy për kualitetin e lartë të realizimit e disa të tjera për idenë ndryshe. Ndër fushatat ndryshe bie në sy ajo nga Concept Marketing, e cila fokusohet në dhurimin e gjakut, si dhurata e fundvitit!
Nga kontakti me një prej themeluesve, mësuam se fushata ka nisur nga dy fakte; ulja e donacioneve të gjakut në dhjetor dhe dhuratat e shumta që shpërndahen këtë muaj. Kjo është dhe arsyeja pse titulli i fushatës është: “Dhuro nga zemra, literalisht!”
Qëllimi i kësaj nisme nga Concept Marketing është bashkimi i shumë bizneseve, organizatave dhe individëve për të dhuruar gjak. Një detaj që duhet përmendur është zgjedhja për të bashkëpunuar me Kryqin e Kuq Shqiptar për shkak të ekspertizës së tyre në këtë fushë.
Dëshiron të bëhesh pjesë e kësaj nisme?
Në datë 28 Dhjetor, ora 09:00 – 16:00, pranë Destil Creative Hub ftesa është e hapur për të gjithë ata që dëshirojnë të dhurojnë gjak.
Kliko këtu dhe regjistrohu për të marrë një e-mail rikujtues!
Link: https://www.conceptmarketingal.com/dhurongazemra/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
