Gitanjali Rao, 15 vjeçarja në kopertinën e revistës “Times”

Revista e njohur TIMES ka shpallur një 15-vjeçare si “Fëmija i Vitit”. Gitanjali Rao nga nga Denver, Colorado me origjinë indiane ka shpikur teknologji të reja në një sërë fushash të ndryshme. Rao u zgjodh nga një grup prej më shumë se 5,000 të nominuarish, por ajo arriti ti merrte zemrën jurisë pasi kishte përdorur teknologjinë për të luftuar një numër çështjesh sociale duke filluar nga uji i ndotur deri  tek varësia nga opioidet dhe ngacmimi në internet. Gitanjali tha se shpreson që puna e saj të frymëzojë të tjerët të ëndërrojnë dhe të vijnë me ide që mund të zgjidhin problemet e botës.

Në një intervistë për aktoren e njohur Angelina Jolie, vajza ka treguar se qëllimi i saj ka qenë që të krijonte pajisjet e saj për të zgjidhur problemet që ka bota.

“Qëllimi im është që jo vetëm që të krijoj pajisjet e mia për të zgjidhur problemet e botës, por edhe të frymëzoj të tjerët që të bëjnë të njëjtën gjë si unë. Nga përvoja ime personale, nuk është e lehtë kur nuk sheh askënd si ti. Prandaj unë me të vërtetë dua të jap mesazhin tim. Nëse unë mund ta bëj, edhe ti mund ta bësh, të gjithë mund ta bëjnë”, ka thënë 15-vjeçarja në intervistën me aktoren e famshme Angelina Jolie.

Që në moshën 10 vjeçare, Rao u spikat në fushën e shkencës ku zbuloi teknologjinë e sensorit të nanotubit të karbonit, që përdor molekulat për të zbuluar kimikatet në ujë.

GUARDIAN

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale