Në një ese për ‘Wall Street Journal’, Soros kritikoi “dështimin kolektiv për të zhvilluar dhe zbatuar politika efektive” për të trajtuar krizën globale të emigrimit, dhe argumentoi se megjithëse qeveritë kanë rolin udhëheqës për të luajtur në gjetjen e zgjidhjeve, “përdorimi i fuqisë së sektorit privat është gjithashtu i rëndësishëm “.
Njoftimi përkon me Samitin e OKB-së për Refugjatët dhe Emigrantët në New York, dhe ndjek thirrjen e Presidentit Obama për veprim për angazhimin e sektorit privat në krizën globale të refugjatëve.
“Kam vendosur të caktoj 500 milionë $ për investime që adresojnë në mënyrë specifike nevojat e emigrantëve, refugjatëve dhe komuniteteve pritëse,” shkroi Soros. “Unë do të investoj në startup-e, në kompanitë e ngritura, iniciativat me ndikim social dhe bizneset e themeluara nga emigrantët dhe nga vetë refugjatët. Edhe pse çështja kryesore është të ndihmoj emigrantët dhe refugjatët që vijnë në Europë, do të jem gjithashtu në kërkim për ide të mira për investime që do të përfitojnë emigrantët nga e gjithë bota. ”
Filantropi njoftoi se të gjitha investimet e bëra do të jenë në pronësi të organizatës së tij jofitimprurëse, dhe çdo fitim do të shkojë për të financuar programe në ‘Fondacionin e Shoqërisë së Hapur’, duke përfshirë programe që përfitojnë emigrantët dhe refugjatët. Soros gjithashtu deklaroi synimin e tij për të punuar me ‘Zyrën e Komisionerit të Lartë të Kombeve të Bashkuara për Refugjatët’ dhe ‘Komitetin Ndërkombëtar të Shpëtimit’, si dhe shpresën e tij se kjo lëvizje do të frymëzojë investitorë të tjerë për të ndërmarrë veprime të ngjashme.
burimi: time.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
