Të rinjtë evropianë mbeten shumë të cenueshëm ndaj urrejtjes në internet. Në vitin 2023, 49% e të rinjve të BE-së të moshës 16-29 raportuan se kishin hasur mesazhe online që përmbanin gjuhë të ashpër ndaj grupeve ose individëve të caktuar.
Normat më të larta u gjetën në Estoni (69%), Danimarkë (68%), Finlandë (68%), Francë (65%) dhe Sllovaki (65%). 12 nga 23 vendet me të dhëna të disponueshme kanë regjistruar norma mbi 50%, raporton Eurostat.
Ndërkohë, Kroacia (24%), Rumania (27%) dhe Bullgaria (31%) janë të vetmet vende ku më pak se një e treta e popullsisë ishte e ekspozuar ndaj gjuhës së urrejtjes.
Në shumicën e rasteve, gjuha e urrejtjes ishte e lidhur me pikëpamjet politike ose sociale, me një mesatare prej 35% në të gjithë BE-në. Kjo kategori ishte më e madhja në Estoni (60%), Finlandë (56%) dhe Danimarkë (49%).
Lexo edhe: Energjia diellore: Çelësi për një të ardhme të qëndrueshme energjie
Mesazhet armiqësore që synojnë komunitetin LGBTQ+ arritën mesatarisht 32% të të rinjve në BE. Përqindjet më të larta u regjistruan në Estoni (46%), Sllovaki dhe Portugali (44%).
Gjithashtu, 30% e të rinjve në BE u përballën me mesazhe të urrejtjes racore, ku Holanda dhe Portugalia ishin vendet më të prekura, secila prej 45%.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
