Me rastin e shpalljes së Tiranës “Kryeqytet Europian i Rinisë” për vitin 2022, me dhjetra aktivitet janë organizuar nga të apasionuar pas kulturës, artit, zhvillimit, biznesit, jetës studentore, e shumë fusha të tjera. Në thirrjen e bashkisë për të mbështetur projekte që nxisin zhvillimin tërësor të kryeqytetit bën pjesë edhe projekti i Majlinda Bara, Futuristic Canvas, inovacion i gërshetuar me art.
Projekti Futuristic Canvas është financuar nga Kongresi Rinor Kombëtar në bashkëpunim me Bashkinë Tiranë. Tirana EYC 2022 stimulon të rinjtë të bëhen më proaktivë për çështjet që i shqetësojnë ata, si edhe më të prirur për të shfrytëzuar mundësitë ekzistuese. Me këtë qëllim erdhi në jetë edhe projekti në fjalë.
Futuristic Canvas dëshironte të nxiste angazhimin e rinisë në zhvillimin dhe qëndrushmërinë e artit dhe kulturës përmes teknologjisë digjitale duke sjellë në vëmëndje veprat artistike të 10 të rinjve shqiptarë. Përzgjedhja e 10 artistëve të rinj pjesëmarrës u bë me anë të një thirrje e cila u afishua në ambientet e Akademisë së Arteve dhe në faqen zyrtar të akademisë.
Artistët e përzgjedhur janë:
- Ersa Kana
- Erolda Cela
- Albi Yzo
- Joan Kapo
- Sara Feta
- Klea Beqiraj
- Sofika Lleshi
- Kristi Qorri
- Ron Resuli
- Egi Pipero
Ky projekt unik për artin dhe vlerat kulturore të Shqipërisë, synon të krijojë një urë lidhëse mes potencialit artistik të rinisë shqiptare dhe teknologjisë së të ardhmes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
