Frymëmarrje: Startup-i që po sjell në arkitekturë marrëdhënien njeri-natyrë

Na tregoni pak për historikun e startup-it tuaj. Si lindi ideja dhe cilat ishin hapat fillestarë që ndërmorët për të krijuar këtë biznes?

 Gjatë periudhës së pandemisë COVID-19, punoja si freelancer për një kompani ndërkombëtare që merrej me dizenjimin dhe implementimin e mureve të gjelberuara natyrale. Duke punuar për rreth dy vite si arkitekte për këtë kompani, fitova njohuri të thelluara mbi mënyrën se si këto sisteme funksiononin, implementoheshin dhe mirëmbaheshin. Gjatë këtyre 2 viteve, në Shqipëri, ndërtimi kishte lulëzuar dhe çdo hapësirë po uzurpohej nga komplekset e mëdha, kryesisht rezidenciale. Ky ritëm kaq dinamik dhe i shpejtë ndërtimi, dukej sikur i kishte zënë frymën qytetit dhe banoreve të tij, duke i privuar ata nga elementët natyrorë që janë të rëndësishëm për një jetesë cilësore. Si një vajzë që gjithmonë ka pasur një lidhje të ngushtë me natyrën dhe si një arkitekte që njihej drejtpërdrejtë me tendencat e fundit në fushën e arkitekturës, kuptova që kishte një nevojë të madhe për të sjellë natyrën më afër njeriut. Duke parashikuar këtë nevojë dhe duke kombinuar dashurinë time për elementet e natyrës me ambicien për të bërë më të mirën profesionalisht, vendosa të krijoj startupin” Frymëmarrje”. “Frymëmarrje” konsiston në dizenjimin dhe implementimin e mureve të gjelbëruara NATYRALE në ambientet e brendshme. Fokusi I “Frymëmarrje” është njeriu dhe mirëqenia e tij!

Cilat janë arritjet më të mëdha të deritanishme të startup-it tuaj?

 Arritjet e “Frymëmarrje” deri më tani përfshijnë disa aspekte:

1. Implementimi I Suksesshëm I Projektit Të Parë.

Frymëmarrje ka fituar 2 fonde të rëndësishme që kanë shënuar një hap të madh përpara në rrugëtimin tonë, përkatesisht “Smart and Green Future” dhe “Challenge Fund”.

“Smart and Green Future” na ka dhënë mundësinë për të realizuar derimë tani, projektin tonë- zhvillimin e një prototipi inovativ. Ky fond na ka lejuar të investojmë në një produkt që reflekton standarde të cilësisë duke dëshmuar që koncepti i murit natyral të gjelbëruar, i jep vlerë ambientit dhe benefite përdoruesve të kësaj hapësire.

2. Ndërtimi i Një Rrjet i Të Fortë Bashkëpunëtorë

“Frymëmarrje” ka arritur të krijojë një rrjet të ngushtë bashkëpunëtorësh, të cilët janë të domosdoshëm për ndërtimin dhe mirëmbajtjen e mureve të gjelbëruara NATYRALE. Ky rrjet ka ndihmuar dhe do të ndihmojë në ruajtjen e cilësisë gjatë prodhimit të produkteve dhe shërbimeve të ofruara.

Në të ardhmen synojmë:

Rritjen e ndërgjegjësimit për përfitimet që sjellin Muret E Gjelbëruara NATYRALE dhe Përfshirja e këtij produkti inovativ në projekte të rëndësishme.

Cilat janë disa nga sfidat kryesore që keni hasur gjatë zhvillimit të “Frymëmarrje” dhe si i keni kapërcyer ato?

 Fatmirësisht këmbëngulja për të arritur diçka që unë dua dhe në të cilën besoj është një ndër pikat e mia më të forta. Është pasioni dhe dëshira e zjarrtë për “Frymëmarrjen” ajo që më ka bërë të thyej barrierat e hekurta të mosbesimit dhe të vërtetoj qe idea funksionon dhe jetësohet. Një tjetër sfidë ka qënë gjetja e furnitorëve/ bashkëpunëtorëve që ofronin cilësinë e lartë të shërbimit për të cilën unë nuk bëj kompromis! E ja ku ndodhemi sot, përballë prototipit të parë, falë bashkëpunimeve të frytshme dhe besimit të ndërsjellë në misionin tonë.

Si e shihni zhvillimin e startup-it tuaj në 3-5 vitet e ardhshme?

 Ambiciet e mia shohin një të ardhme premtuese! Objektivat janë të qarta, bashkëpunëtorët tanë janë në gatishmëri të plotë, dhe vullneti për të realizuar këto qëllime është i palëkundur. Me besim dhe optimizëm, në një të ardhme të afërt, mezi presim të ndajmë me ju arritjet tona dhe progresin që kemi bërë.

Lexo edhe:Albania Unlocked – Sekreti pas suksesit të bizneseve shqiptare në turizëm

A keni ndonjë partneritet apo bashkëpunim që ka qenë kyç për zhvillimin e startup-it tuaj?

 Po. Një nga partneritetet më të frytshme dhe më efikase deri më tani ka qenë me kompaninë “two lines shpk”. Ky bashkëpunim ka qenë vendimtar për suksesin e realizimit të prototipit tonë të parë me dimensione 235×200 cm. Stafi i “two lines shpk” e ka vlerësuar dhe përqafuar misionin e “Frymëmarrje” duke punuar me përkushtim të jashtëzakonshëm për të përmbushur objektivat tona brenda afateve të parashikuara. Ky partneritet ka qenë një pikë kyçe në rrugëtimin tonë drejt suksesit.

Së fundmi, ju keni qenë edhe edhe një ndër startupet e përzgjedhura si fituese e fazës së parë të challenge fund , cilat janë projektet që keni në plan të realizoni me ndihmë e saj?( nëse mund të ndani ndonjë me ne).

 Jam shumë e lumtur që “Frymëmarrje” është vënë në rradhët e fituesve të “Challenge Fund” pasi konkurenca ka qënë vërtet tepër e fortë. Fokusi i investimit do të përqendrohet kryesisht në përmirësimin e produktit dhe në nxjerrjen sa më shpejt të tij në treg. Ky është një hap i rëndësishëm për ne, duke pasur parasysh që ndodhemi në fazat e para të zhvillimit tonë. Synimi ynë është të maksimizojmë potencialin e këtij investimi në mënyrë që të përmbushë nevojat e tregut dhe që të ofrojë vlerë për klientët tanë.

Cili është vizioni juaj për të ardhmen e startup-it tuaj dhe si dëshironi që të kujtohet startup-i juaj në industrinë ku operoni?

Vizioni im për të ardhmen e startup-it është që “Frymëmarrje” të jetë kompania lider në transformimin e hapësirave nëpërmjet Mureve të Gjelbëruara NATYRALE. Kjo duke krijuar mjedise që forcojnë marrëdhënien njeri-natyrë, e cila siguron rritjen e mirëqënies së përdoruesve. Me Mision, të impaktoje pozitivisht në rritjen e cilësisë së jetesës, të ushqejë mirëqënien e brezave të ardhshëm dhe të nxisë zhvillimin e qyteteve ekologjike që kumbojnë me ritmet harmonike të natyrës.