Formula e çuditshme e martesës, që fshihet pas suksesit të Mark Zuckerberg


E doni apo e urreni atë, është tejet e dukshme që CEO i Facebook, Mark Zuckerberg ka gjetur zgjidhjen për të arritur majat e suksesit të vërtetë.

Ndoshta ajo që e bën atë kaq të sjellshëm me njerëzit, është fakti se ai vetë është një i huaj. Nëpërmjet përqendrimit, punës së palodhur dhe vendosmërisë, ai arriti të bëhej një ndër njerëzit më të pasur dhe më të fuqishëm në botë. Tashmë, kompania e tij supozohet të kthehet në infrastrukturën e planetit.

Lexoni: Kush janë 10 njerëzit më të pasur në botë?

Ndërkohë që ai tregohet me gisht si i “i vetmuari”, në fakt sekreti i vërtetë i suksesit të tij është e kundërta e kësaj. Zuckerberg është një lojtar dhe suksesi i tij shtrihet nën influencën që ai ka mbi komunitetin e njerëzve që e rrethojnë atë.

Në Facebook, ai ka krijuar një “skuadër zhvillimi”, e cila në vetvete ka nisur aktivitetin e saj nga një pakicë shumë e vogël dhe më pas është shndërruar në një skuadër me qindra njerëz, e cila themelon strategji për sektorë të ndryshëm të kompanisë. Ata kanë metoda matëse tepër strikte, të cilat i përdorin për të përcaktuar nivelin e suksesit të tyre.

Në shtëpi, Zuckerberg ka besim të plotë tek gruaja e tij Priscilla Chan, e cila sipas Markut e mban atë me këmbë në tokë. Kur ata filluan të dilnin bashkë, ashtu siç thuhet nga shumica e njerëzve, ajo insistonte që ato të kalonin 100 minuta vetëm me njëri-tjetrin brenda javës dhe të dilnin për darkë jashtë, një herë në javë. Pas 15 vitesh ky ritual ende vazhdon të jetë i njëjtë.

Kohët e fundit, Zuckerberg i ka forcuar impenjimet e tij në komunitet, me lëshimin e një deklarate filozofike, duke shpalosur në të dëshirat e tij për të ardhmen e Facebook-ut dhe të botës. Vetë fjalët e tij tregojnë sesa shumë beson ai në pushtetin që njerëzit mund t’i sjellin njëri-tjetrit.

Lexoni: Cili është plani ambicioz i Mark Zuckerberg për Facebook në 10-vjeçarin e ardhshëm?

Pra, çfarë mund të mësojnë sipërmarrësit e sotëm nga shembulli i Zuckerberg?

Punoni në grup

Ashtu siç Zuckerberg ka thënë: “ne jemi më mirë të bashkuar”. Një person i vetëm nuk mund të ndërtojë një kompani e cila ka fuqinë të ndryshojë botën. Në deklaratën e tij, Zuckerberg shpreh shqetësimin dhe hidhërimin e tij për mungesën e organizatave.“Skuadra e tij e zhvillimit” operon me brainstorming të vazhdueshme duke i përmirësuar ato dita-ditës.

Dilni për darkë

Ka shumë studime të cilat mbështesin faktin se takimet në darkë (qoftë me një partner romantik apo qoftë me shokët) janë më frytdhënëse për të menaxhuar stresin dhe për të ruajtur balancën mes jetës personale dhe punës. Nëse CEO dhe babai i Facebook-ut arrin të gjejë kohë edhe në ditët e tij me intensive në Facebook, ju duhet të reflektoni mbi rëndësinë e kësaj të vërtete.

Lexoni: 23 Librat që sipas Mark Zuckerberg të gjithë duhet t’i lexojnë

Pëlqe dhe Ndaj

Për të kuptuar realisht sekretin e suksesit të Zuckerbergut, gjithçka ju duhet të bëni, është që për një moment të mendoni sa i lidhur jeni me njerëzit që nuk i shihni çdo ditë. Herës tjetër që do të pëlqeni dhe ndani statusin e dikujt, ndaloni për një moment dhe shkëmbeni mesazhe me të nëpërmjet internetit.

Pavarësisht se jo të gjithë ne do të ndërtojmë një kompani që ndryshon botën, apo të bëjmë histori si Mark Zuckerberg, ka shumë gjëra që mund t’i mësojmë nga ai përsa i përket kuptimit të vizionit për një komunitet global.

Burimi: inc.com

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0