Pas parashikimit të zymtë të BQE-së për tkurrje të rritjes ekonomike të eurozonës, FMN e sheh po me kaq skepticizëm edhe ritmin e rritjes së ekonomisë botërore. Kjo e fundit, për Fondin Monetar Ndërkombëtar po ngadalësohet, ndërsa perspektivat për një rikuperim të shpejtë, nuk është shpresëdhënëse.
FMN-ja tha se pret që rritja të ngadalësohet nga 6.1% që ishte vitin e kaluar në të gjithë globin në 3.2% këtë vit, 0.4 përqind më ulët nga parashikimi në muajin prill.
“Një rimëkëmbje e paqëndrueshme në vitin 2021 është pasuar nga zhvillime gjithnjë e më të zymta në vitin 2022 pasi rreziqet filluan të materializohen. Prodhimi global u tkurr në tremujorin e dytë të këtij viti, për shkak të rënieve ekonomike në Kinë dhe Rusi, ndërkohë që shpenzimet konsumatore të SHBA-së ishin më pak se pritshmëritë.” – tregonte raportin.
Lexo edhe: Forumi Ekonomik Botëror 2022: Nga konflikti i Ukrainës tek ndryshimet klimatike
Agjencia ndërkombëtare e financave me seli në Uashington kujtoi se janë disa goditje që kanë tronditur ekonominë botërore, e cila ishte dobesuar tashmë nga pandemia: inflacioni më i lartë se sa pritej në mbarë globin – veçanërisht në Shtetet e Bashkuara dhe ekonomitë kryesore evropiane – duke shkaktuar kushte më të vështira financiare; një ngadalësim më i lartë nga sa ishte parashikuar në Kinë, dhe pasoja të mëtejshme negative nga lufta e Rusisë në Ukrainë.” FMN-ja tha se çmimi i mallrave të konsumit, veçanërisht për ushqimin dhe energjinë, po rritet kudo. Kostoja pritet të shtohet me 6.6% në ekonomitë e përparuara këtë vit dhe me 9.5% në tregjet në zhvillim dhe ato me zhvillim të shpejtë, teksa pranon se “inflacioni mund të jetë më i vështirë për t’u ulur nga sa pritej” nëse punëdhënësit nuk mund të gjejnë punëtorë të mjaftueshëm për të përmbushur kërkesat e tyre për punë ose nëse inflacioni rritet me një ritëm më të shpejtë se sa mendohej.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
