Fizioterapisti shqiptar që hyri në histori, është i pari nga Ballkani


 “Thjesht relaksohu dhe ki besim te fizioterapisti yt”, është motoja e 33 vjeçarit Burim Gjinovci nga Prishtina. Ai ka 12 vite që merret me fizioterapi.

Nga viti 2008, pas përfundimit të studimeve, Burimi ka filluar të punojë si fizioterapeut në një kamp ushtarak të KFOR-it, ku thotë se ka përjetuar një përvojë mjaft të mirë dhe motivuese për ngritje profesionale në të ardhmen.

Në vitin 2014 ka vijuar studimet e specializuara në fushën e Fizioterapisë Manipulative, sipas konceptit australian Maitland (një koncept i njohur ndërkombëtar) dhe i standardizuar për trajtimin e sëmundjeve të boshtit kurrizor dhe nyjeve periferike.

 Është i vetmi fizioterapist në Kosovë për këtë trajtim

Burimi është fizioterapisti i vetëm në Kosovë që merret me trajtimin e boshtit kurrizor, sipas principeve të konceptit australian Maitland.

Nga viti 2018 Burimi merret ekskluzivisht me trajtimin e boshtit kurrizor sipas principeve të konceptit Maitland. Pacientët që kontrollohen të Burimi janë të natyrës multi-faktoriale. Ka pacientë që vuajnë nga dhimbje të thjeshta të boshtit kurrizor, deri te ata me gjendje të avancuara.

Ai tregon se nga u vinë kosovarëve problemet me shpinën

“Duke filluar prej pasivitetit, përdorimi i tepërt i kompjuterit, mungesa e aktivititetit fizik, shfrytëzimi i veturave, të gjitha këto ndikojnë negativisht në shfaqjen e simptomës apo prezantimit të dhimbjes, qoftë në qafë, në bel apo në pjesën e kurrizit”.

Burimi ka 8 vite shkollim dhe disa vjet përvojë pune

Karriera e tij, duke përfshirë edhe kohën e studimit akademik përbëhet prej 8 vitesh. Burimi ka arritur të kualifikohet edhe si mjek ndërkombëtar dhe muajin e kaluar është pranuar në Asosiacionin Ndërkombëtar, sipas Maitland, IMTA.

Kjo punë i ka sjellë një sukses të madh

Asosiaconi Ndërkombëtar sipas IMTA-së është themeluar në vitet ’80, ndërsa tani në Europë numërohen diku rreth 29 trajnerë ndërkombëtarë sipas Maitland. Pas përfundimit të specializimeve, për shkak të sukseseve të treguara, Burimi ka arritur të kualifikohet si kandidat.

Është një arritje shumë e madhe individuale por njëkohësisht i hap rrugë edhe Kosovës edhe vendeve në rajon sepse është i pari në Ballkan që ka arritur të kualifikohet për trajner ndërkombëtar në fushën e fizioterapisë, sipas Maitland.

“Është kënaqësi dhe unike si kosovar, të arrij në mesin e një grupi shumë të ngushtë prej 29 vetash dhe në një të ardhme të afërt të mund të kualifikohem edhe si trajner ndërkombëtar”, tha ai.

/Reporteri.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale