Finlandezët po investojnë në sistemin më të shpejtë të transportit në botë » Business Magazine Albania – Media Dixhitale dedikuar Sipërmarrjes
Përditësuar së fundmi: 22/11/2016

Finlandezët po investojnë në sistemin më të shpejtë të transportit në botë

Share
nga Fiorela Jaupi
Nën 22, 2016
Studied at Faculty of Economy, Master of Science in Marketing. Content Editor at Business Magazine Albania
lexo me teper >

Teknologjia që ka në dispozicion kompania amerikane Hyperloop One, do t’ju mundësojë udhëtarëve të udhëtojnë nga Helsinki në Stokholm, në më pak se 30 minuta, me shpejtësi prej 1200 kilometrash në orë.

Projekti Hyperloop Fince nuk do të kushtojë pak, pasi duhet të bëhet një tunel nën Detin Baltik dhe shpenzimet do të arrijnë në afro 19 miliardë euro.

Negociatat ndërmjet Finlandës dhe kompanisë Hyperloop po bëhen për detajet teknike, të financimit dhe të masave të sigurisë që kanë të bëjnë me sistemin e transportit. Negociatat nga pala finlandeze po i drejton Qendra Finlandeze për Kërkime Teknike, VTT, agjensia finlandeze për Financim të Teknologjisë dhe të Inovacionit, TEKES, si dhe disa ministri finlandeze.

finlandezet-po-investojne-ne-sistemin-te-shpejte-te-transportit-ne-bote-business-mag

 

 

 

 

 

 

 

 

 

 

 

 

Para se të zgjerohet në të gjithë Detin Baltik, Finlanda mund të jetë një nga të parët që do të testojë teknologjinë Hyperloop në praktikë.

Salo, një qytet në jugperëndim të Finlandës, është i prirur për të mirëpritur teknologjinë. Qyteti ka nënshkruar një marrëveshje me Hyperloop verën e kaluar për të ndërtuar një rrugë provë mes Salo dhe qytetit Turku.

Bileta mes Helsinkit dhe Stokholmit, me Hyperloop kushton rreth 170 korona suedeze (mbi 17 euro).

Burimi: yle.fi