Financimi i fermave shqiptare, sfida e bankave dhe teknologjisë

Bujqësia vijon të ketë pak mundësi për financim. Për shumë banka të nivelit të dytë, sektori bujqësor viijon të shfaqë risk të lartë dhe nuk shihet me interes për t’u financuar, ndërkohë që edhe vetë fermerët thonë se kushtet e financimit nga bankat vijojnë të jenë frenuese me norma të larta interesi.

Ekspertët e fushës, thonë se financimi i bujqësisë redukton me katër herë më shumë varfërinë, duke gjeneruar rritje ekonomike dhe punësim. Aktualisht, sektori që punëson 50% të fuqisë punëtore, përfiton vetëm 4% nga totali i financimeve.

Drejtuesit e shërbimeve financiare të kursim-kreditit FED Invest, bëjnë të ditur se përtej rritjes së financimit, po ndërmarrin disa reforma për të qenë më afër fermerëve.

Lexoni: Bujqësia, ende rritet me hapat e breshkës

Sipas tyre, ED Invest, do të këtë një imazh më të dukshëm në zonat rurale dhe urbane, do të zjerojë gamën e produkteve që i ofrohet klientelës. Sipas drejtuesve, do të ruhet shkalla e ndërhyrjes si dhe do të investojë në zhvillimin e tekonologjisë. FED Inves tashmë financon edhe Ndërmarrjet e Vogla dhe të Mesme, pasi po studion më mirë tregun dhe bizneset që janë rentabël.

Prej 26  vjetesh FED invest, ka  mbështetur me kredi të vogla kryesisht anëtarë të zonave rurale, ku aksesi në bankat e nivelit të dytë ka qenë i pamundur.