Filmi kontrovers, Netflix humb 9 miliardë dollarë në një ditë - Business Magazine Albania

Filmi kontrovers, Netflix humb 9 miliardë dollarë në një ditë

Skena vallëzimesh sensuale me vajza 11-vjeçare në një film për të rritur: internet ka vendosur ta bojkotojë prodhimin e fundit të Netflix, Cuties, dhe kompania ka humbur 9 miliardë dollarë në bursë në një ditë të vetme.

Komedia franceze shkruar dhe e drejtuar nga franko-senegalezi Maimouna Doucoure, në debutimin e saj si regjisore, rrëfen jetën e të voglës Amy, 11-vjeçare senegaleze që regjistrohet në një shkollë vallëzimi të quajtur ‘cuties’, ‘të lezetshme’ (në gjuhën origjinale ‘mignonnes’), ku fillon të shfaqet aspekti femëror i saj dhe hyn në konflikt me një familje me vlera tradicionale myslimane.

Një tjetër detaj i filmit që ka shkaktuar goxha polemika është vetë posteri. Të gjitha të miturat, kanë veshur rroba që u ekspozojnë pjesët e trupit dhe kanë marrë poza provokative para kamerës: një vallëzim i papërshtatshëm sensual, kanë qenë kritikat në Twitter dhe Instagram. “Nxit pedofilinë”, ka qenë një nga komentet në rrjetet sociale, “ato skena që vajzat kanë bërë dhe ribërë para një stafi burrash pa patur askënd që t’i mbrojë, ku ishin të rriturit?”.

LEXO: ‘Pornografi me fëmijë, mos e transmetoni’, filmi i ri i Netflix shkakton polemika

Përgjigja e Netflix: “Cuties – lexohet në deklaratë – është një përrallë sociale kundër seksualizmit të fëmijëve. Është një film i vlerësuar me çmime dhe një histori e fuqishme rreth presionit që vajzat e reja vuajnë në rrjetet sociale dhe nga shoqëria, ndërsa rriten – dhe ne inkurajojmë këdo që interesohet për këto çështje të rëndësishme të shikojë filmin “.

Në internet ka nisur peticioni #cancelnetflix, që ka marrë 660 mijë firma deri tani. Kritikët përgjigjen se synimi ishte pikërisht për të denoncuar një mjedis që mund të hiper-seksualizohet, atë të kërcimit, veçanërisht në një epokë në të cilën vajzat e reja do të bënin gjithçka për t’u integruar. Për këtë arsye, çmimi i Netflix sot është 9 miliardë më i ulët se dje, dhe IMDB rendit filmin në kategorinë seksi / nudo. Filmi është kategorizuar si “R”, pra mund të shihet nga personat nën 17 vjeç vetëm me praninë e prindërve, por protagonistet janë të mitura. Pra skenat e filmit nuk mund të shihen nga fëmijët por janë xhiruar nga disa vajza minorene.

Reppublica

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0