Amazon ka mbyllur marrëveshjen e saj prej 8.45 miliardë dollarësh për të blerë studiot e njohura Metroë Goldwyn Mayer, duke rritur ambiciet e saj në botën e transmetimit me një katalog që përfshin ekskluzivitetet e filmave James Bond dhe Rocky.
Dominimi i Amazon në shitjen me pakicë në internet ka tërhequr pas vetes edhe një kontroll anti-monopol, por kjo blerje fitoi miratimin nga autoritetet e BE ditë më parë, ndërsa rregullatorët amerikanë nuk e kanë bllokuar marrëveshjen e shpallur fillimisht në maj.
Marrëveshja forcon Amazon Prime Video me rreth 4,000 filma dhe 17,000 episode televizive, ndërsa përballet me Netflix dhe Disney në një treg që sa vjen dhe po lulëzohet.
Komisioni Evropian, i cili rregullon çështjet e konkurrencës në BE, tha në një deklaratë të martën se transaksioni i propozuar nuk do të ngrejë “asnjë shqetësim për konkurrencën” dhe “e pastron çështjen pa kushte”.
Sipas raporteve, Komisioni Federal i Tregtisë i SHBA-së u përball me një afat kohor në mes të marsit për të marrë një vendim nëse do të kundërshtonte marrjen e kontrollit.
FTC nuk pranoi të komentojë mbi marrëveshjen, por vuri në dukje se në përgjithësi komisioni nuk i miraton transaksionet dhe mund t’i kundërshtojë ato në çdo kohë — nëse konstaton se ato shkelin ligjin.
Në marrëveshjen për Metro Goldwyn Mayer, e cila ka kaluar nëpër një sërë ndryshimesh pronësie dhe falimentimi vitet e fundit, Amazon fiton një emër ikonik të Hollivudit.
Përveç ekskluzivitetit të James Bond, MGM zotëron të drejtat për prodhimet filmike duke përfshirë “Rocky”, “Legally Blonde” dhe “Tomb Raider”, plus shfaqje televizive si “The Handmaid’s Tale” dhe “The Real Houseëives Of Beverly Hills”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
