Flutura anti-stres është objekti i cili momentalisht po çmend botën, por ju ndoshta nuk e njihni sepse nuk kaloni shumë kohë në internet.
Fidget Spinners është emri i tyre i vërtet dhe janë lodra për të rinjtë, të cilat menaxhojnë stresin dhe ADHD-në (çrregullim mendor që shkakton luhatje drastike të nivelit të përqendrimit dhe hiperaktivitetit).
Kjo është një paisje jo shumë e madhe, e cila përshtatet më së miri me dorën tuaj, ku pjesa qëndrore mbështetet në gishtin tregues dhe në gishtin e madh, ndërsa tre pjesët e tjera i rrotulloni në gjendje të lirë.
Por pse kjo lodër krijon varësi?
Trendi i fluturave anti-stres njihet për natyrën e lojës e cila krijon varësi. Ndjesia e të pasurit një paisje e cila rrotullohet me shpejtësi të madhe në dorën tuaj është shkaku kryesor i kësaj varësie.
Çfarë tjetër duhet të dini për to?
Disa shkolla anë e mbanë botës e kanë ndaluar përdorimin e tyre në shkollë, pasi konsiderohet si një paisje që i shpërqëndron nxënësit. Megjithatë kjo nuk i ka ndaluar ata të luajnë me paisjen në shtëpi apo në ambjente të tjera. Industia e Fidget Spinners ka “shpërthyer” përgjatë muajit të fundit dhe vazhdon të sjellë modele të ndryshme të lojës.
