Është gjithmonë edhe më i zakontë fenomeni i fëmijëve nën 3 vjeç që i shohim rëndom me smartphone në dorë, apo një tablet. Pikërisht, duke marrë shkas nga ky fenomen, kërkuesit kanë kryer një studim për “dozën” e përdorimit të këtyre aparaturave teknologjike.
Çdo orë përdorimi i një smartphone prej vogëlushëve është i barazvlefshëm me 15 minuta gjumë më pak gjatë natës. Studimi i Birkbeck, University of London, i publikuar në Scientific Reports, mori në pyetje 715 prindër që kishin fëmijë nën 3 vjec, dhe tek të cilët të vegjlit shpesh luanin me smartphone apo tablet. Ata u anketuan rreth cilësisë së gjumit të fëmijëve të tyre dhe orareve që vogëlushët kalonin duke fjetur gjatë natës.
Nga pyetësori u arrit në përfundimin se 75% e fëmijëve nën 3 vjeç kanë përdorur një ekran me prekje çdo ditë, ndërsa përqindja shkon në 51% tek fëmijët midisi 6 dhe 11 muajsh dhe 92% tek fëmijët midisi 25 dhe 36 muajsh.
Duhet të seleksionojmë, shpjegojnë studiuesit, pediatër të specializuar në sociologji. Sipas tyre, videot apo aplikacionet që mund t’u tregojmë të vegjëlve duhet të jenë të kushtëzuara nga materiali dhe kohëzgjatja e duhur dhe duhet të fokusohemi në një marrëdhënie interaktive prindër-fëmijë.
Përdorimi i një aparati smart nuk duhet të kalojë 15-20 minuta, për moshat shkollore, maksimumi 2 orë në ditë dhe mirë do ishte të ndahej me disa intervale kohore gjatë ditës.
/BBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
