Facebook nuk do të bëjë ndryshime për shkak të bojkotit të reklamave

Facebook nuk do të bëjë ndryshime për shkak të bojkotit të reklamave

FAcebook

Drejtori i Përgjithshëm i Facebook, Mark Zuckerberg u tha punonjësve se kompania nuk do të ndryshojë qasjen e saj lidhur me gjuhën e urrejtjes, pavarësisht se më shumë se 500 reklamues po e bojkotojnë platformën këtë muaj, raportoi The Information.

“Ne nuk do të ndryshojmë politikat ose qasjen tonë për asgjë për shkak të një kërcënimi për një përqindje të vogël të të ardhurave tona, ose të ndonjë përqindje të të ardhurave tona,” tha Zuckerberg gjatë një takimi virtual, sipas The Information.

“Supozimi im është se të gjithë këta reklamues do të kthehen shpejt në platformë”, tha ai, sipas The Information, duke shtuar se bojkoti ishte një “çështje reputacioni dhe partneri” dhe jo çështje financiare sepse shumica e të ardhurave të Facebook vijnë nga bizneset e vogla dhe jo nga market e mëdha.

Facebook pësoi një rënie prej 60 miliardë dollar në vetëm dy ditë,pasi markat kryesore u bashkuan me bojkotin, por aksionet e tij në masë të madhe u tërhoqën që prej asaj kohe.

Në fillim të këtij muaji, grupimet e të drejtave civile, përfshirë NAACP, Lidhjen Anti-Shpifje dhe Ngjyra e Ndryshimit, bënë thirrje për reklamuesit që të bojkotojnë Facebook pas mosveprimit të Zuckerberg në postimet e diskutueshme nga Presidenti Donald Trump, duke sugjeruar dhunë ndaj njerëzve që protestojnë kundër brutalitetit të policisë dhe racizmit sistemik.

Që prej fillimit të fushatës, më shumë se 500 kompani, përfshirë markat kryesore si Coca-Cola, Ford, Starbucks, Verizon, Adidas dhe Unilever, kanë tërhequr reklama nga platforma e mediave sociale.

Lexoni: Pas Coca Cola-s edhe Starbucks vendos të bojkotojë Facebook

Të premten, ndërkohë që bojkoti fitoi vrull, Facebook tha se do të bashkëngjiste emërtime në postimet “me lajme” nga politikanët, që shkelin politikat e saj për fjalën e urrejtjes – një përmbysje e rëndësishme për kompaninë – që synonte të forcojë rregullat e saj për reklamuesit.

Drejtuesit e Facebook kanë zhvilluar diskutime të shumta private për të adresuar shqetësimet e reklamuesve, por bisedimet rezultuan të pafrytshme, pasi reklamuesit i quajtën këto përpjekje të Facebook të pavlefshme. Organizatorët e bojkotit kërkaun që Zuckerberg të merrte pjesë personalisht pasi “ai është autoriteti i fundit”. Raportoi Reuters.

Zuckerberg  ra dakord të takohej me drejtuesit e NAACP, Color of Change, dhe Lidhjes Anti-Shpifje, tha zëdhënësi i ADL Todd Gutnick për Business Insider. Sidoqoftë, komentet e Zuckerberg sugjerojnë se ai mund ta ketë ndarqë mendjen dhe se bojkoti mund të mos ketë asnjë rezultat.

“Nëse dikush del atje dhe ju kërcënon të bëni diçka, ai në të vërtetë ju vendos disa limite. Kështu bëhet më e vështirë që të realizohet ajo çka ata kërkojnë. Ata thjesht nxisin edhe të tjerët të bëjnë të njëjtën gjë “, u tha Zuckerberg punonjësve, sipas The Information.

Në një email për Business Insider, një zëdhënës i Facebook tha: “Ne i marrim këto çështje shumë seriozisht dhe respektojmë reagimet e partnerëve tanë. Ne po bëjmë përparim të vërteta duke e mbajtur gjuhën e urrejtjes jashtë platformës sonë  dhe nuk përfitojmë aspak nga kjo lloj përmbajtje. Por siç kemi thënë, ne bëjmë ndryshime të politikave bazuar në parime, jo presione mbi të ardhurat “.

Business Insider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0