Facebook po punon për një produkt të ri të ngjashëm me aplikacionin e njohur “Clubhouse”, raportoi “New York Times” duke cituar disa burime, sipas të cilave rrjeti social i Mark Zuckerberg synon të zgjerohet në forma të reja të komunikimit.
“Clubhouse” është bërë i njohur në javët e fundit, duke u mundësuar anëtarëve të saj të “mblidhen në dhoma” përmes audios dhe për të folur për tema specifike. Sipas thashethemeve, Zuckerberg është i interesuar për forma komunikimi audio dhe ka biseduar me “Clubhouse” për realitetin virtual. Para tij, ai u bashkua me platformën e re të Elon Musk.
“Clubhouse”, rrjeti social i momentit, ku çdo ndërveprim bëhet nëpërmjet zërit ka një konfirmim global tashmë. Të hënën, aplikacioni audio rrëzoi shërbimin e njohur të mesazheve Telegram në Gjermani, duke u renditur në vendin e dytë në listën e aplikacioneve më të shkarkuara më shpesh në Apple App Store. Në Austri, Clubhouse renditet në vendin e pestë, përpara Facebook dhe Facebook Messenger. Signal është gjithashtu në vendin e parë në këtë vend, i ndjekur nga Telegram, Beer Buddy dhe WhatsApp.
Me Clubhouse, përdoruesit mund të dëgjojnë biseda si një podcast direkt ose të marrin pjesë në diskutime. Në kontrast me rrjetet si Twitter, ju nuk mund të komentoni me shkrim postimet ose të bëni “pëlqime”. Aplikacioni aktualisht është i disponueshëm vetëm për përdoruesit e iOS.Rrjeti social i bazuar në audio nuk përmban fotografi ose video, vetëm dhoma bisedash publike dhe private. Përdoruesit kanë vetëm fotografi të profilit dhe ndjekës. Bisedat nuk regjistrohen; përdoruesit e kapërcejnë këtë duke transmetuar drejtpërdrejt biseda në platforma të tjera, përfshirë YouTube.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
