Facebook i kërkon falje Europës

Shefi i Facebook Mark Zuckerberg u kërkoi falje ligjvënësve të Bashkimit Europian për një përhapje masive të të dhënave, në përpjekjen e tij të fundit për të justfikuar skandalin që ka tronditur rrjetin më të madh social në botë.

Zuckerberg pranoi të takohej me krerët e Parlamentit Europian për t’iu përgjigjur pyetjeve se si konsultimi politik i Cambridge Analytica në mënyrë të parregullt mbajti të dhënat personale të 87 milionë përdoruesve të Facebook, duke përfshirë deri në 2.7 milionë në BE.

Lexoni: Skandali i Facebook, Mark Zuckerberg përballet me parlamentin Europian

Në fjalën e tij të hapjes, Zuckerberg tha se “u bë e qartë gjatë dy viteve të fundit që ne nuk kemi bërë sa duhet për të parandaluar mjetet që ne vetë kemi ndërtuar, të përdoren në dëm të njerëzve”.

Shfaqja e Zuckerberg në Bruksel vjen tre ditë përpara hyrjes në fuqi të rregullave të reja të BE-së për mbrojtjen e të dhënave. Kompanitë do të jenë subjekt i gjobave deri në 4% të xhiros globale për shkeljen e tyre.

Zuckerberg refuzoi t’u përgjigjet pyetjeve specifike mbi përdorimin e të dhënave nga Facebook, shërbimin e mesazheve të WhatsApp që ka më shumë se një miliard përdorues ditorë dhe bllokimin e reklamave të targetuara. Siç bëri me një seri pyetjesh nga ligjvënësit e SHBA muajin e kaluar, Zuckerberg tha se do t’i dërgonte përgjigjet më vonë.

Megjithatë, disa zyrtarë europianë duan një drejtim më të ashpër për firmat e mëdha të teknologjisë.

Lexoni: Ja përse nuk do të heqësh dorë asnjëherë nga Facebook, sipas shkencës

Pajtimi i Facebook me rregullat e reja të të dhënave nga BE do të monitorohet nga afër, ashtu si dhe përpjekjet e tij për të trajtuar përhapjen e lajmeve të rreme përpara zgjedhjeve parlamentare europiane vitin e ardhshëm.

Zuckerberg do të vazhdojë takimin me Presidentin francez Emmanuel Macron, por deri më tani ai nuk ka pranuar të paraqitet para ligjvënësve britanikë.

/Independent