Ky funksion ju lejon të shtoni “filtra” të animuar për videot live. Vetë filtrat janë mjaft të ngjashëm me atë që ju do të gjeni në MSQRD – aplikacionin që Facebook lançoi në muajin Mars.
Si Snapchat, Facebook periodikisht do të ndryshojë maskat për stile të ndryshme. Seti i parë debutues përfshiu maska për Halloween.
Kjo nuk është hera e parë që rrjeti social ka eksperimentuar me këtë funksion. Facebook ka testuar më parë “filtra” të ngjashme në aplikacionin e saj në Brazil dhe ka mundësuar shpërndarjen e videove live nga MSQRD.
Maskat kanë filluar të përdoren tani nga përdoruesit e iOS në Shtetet e Bashkuara, Britaninë e Madhe dhe Zelandën e Re dhe do të vijë për Android në muajt e ardhshëm. Facebook ka në plan t’a sjellë atë edhe në vende të tjera.
Kjo është edhe një shenjë e rritjes së interesit të rrjetit social në shtimin e mënyrave “fun”, për t’i ndihmuar përdoruesit për të ndarë momente me të tjerët (njësoj si Snapchat), si dhe për të forcuar prezencën e saj me anën e videove live.
Kompania gjithashtu shtoi edhe “reagime” të tilla në video si: “like”, “love”, “haha”, “wow”, “sad” dhe “angry” për Halloween.
Burimi: mashable.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
