Europa merr frymë nga ajri i pastër, në këtë kohë pandemie

Europa merr frymë nga ajri i pastër, në këtë kohë pandemie

~4 minuta lexim


Ndërsa vendet europiane nën bllokim kanë ngadalësuar qarkullimin e zakonshëm dhe prodhimin për të luftuar pandeminë e koronavirusit, ndotja atmosferike duket se është zvogëluar.

Lexo: Diçka e pazakontë po ndodh në Suedi, në këtë kohë pandemie, ndryshe nga gjithë Europa

Megjithëse është shumë herët për të vlerësuar efektet e saj në planin afatgjatë, fotografitë që vijnë nga satelitët tregojnë qartë ndryshimin e përqendrimit të emetimeve të gazrave serë në Francë, Itali dhe Spanjë përgjatë Marsit, raportoi AFP.

Në shkurt, Nasa tregoi se si emetimet e gazit ranë në mënyrë drastike në Wuhan, epiqendra e epidemisë. Nga e kuqja, portokalli, harta e Kinës u kthye në blu.

 

Agjensia Europiane e Hapësirës ka vëzhguar të njëjtin fenomen në Itali që nga fillimi i marsit pasi kombi ka qenë nën bllokim që nga 9 mars. Sipas Agjencisë Euopiane të Mjedisit, qytetet spanjolle si Madridi dhe Barcelona janë duke ndjekur të njëjtin model, dhe gjithashtu kanë qenë nën masa të rrepta të kufizimit që nga mesi i marsit.

Rënie të tilla radikale janë të pashembullt. “Është hera e parë që kam parë një ndryshim kaq të rëndësishëm në një rajon kaq të madh të lidhur me një ngjarje,” tha Fei Liu, një studiues në Agjencinë e Hapësirës së Shteteve të Bashkuara, rreth Kinës.

Edhe gjatë krizës ekonomike në 2008-2009, ulja “kishte qenë më e vazhdueshme me kalimin e kohës”, shtoi Alberto González Ortiz, specialist i cilësisë së ajrit në Agjencinë Europiane të Mjedisit.

Në Italinë veriore, “nivelet mesatare të përqendrimit tëemetimit të gazrave janë ulur përgjysmë,” vuri në dukje Vincent-Henri Peuch, nga programi Europian i monitorimit të Kopernikut.

Lexo: Foto të qyteteve të shkretuara në tërë globin si pasojë e Covid-19

Cili është ndikimi i një ndarje të tillë mbi popullatën?

Sipas një studimi të fundit, ndotja e ajrit shkakton 8.8 milion vdekje të parakohshme në vit në të gjithë botën. Ndotja me grimca të imët shkakton acarime të syve dhe fytit dhe shqetësim të frymëmarrjes. Ndotja gjithashtu mund të shkaktojë sëmundje kronike, respiratore ose kardiovaskulare ose kancer të mushkërive. Prandaj bllokimi mund të “zvogëlojë efektet inflamatore”, shpjegojnë ekspertë, për më tepër pasi cilësia e ajrit brenda shtëpive varet shumë nga ajri që vjen nga jashtë.

Burimi: EuroNews

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Suksesi është përbërja e vogël e përpjekjeve të përsëritura çdo ditë.”
— Robert Collier
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0