Euro zbret drejt 126 lekëve

Euro zbret drejt 126 lekëve


Euro ka shënuar një tjetër rënie të martën në pikat e këmbimit valutor, duke zbritur nën kufirin ku gjendej prej disa ditës 127 lekë. Në pikat e këmbimit, një euro u ble me 126.6 dhe u shit 127.1 lekë, duke u zvlerësuar lehtë ndaj një ditë më parë.

Sipas të dhënave të tregut, ky është niveli më i ulët i dhjetë viteve të fundit.

 Eksportuesit po e përjetojnë me shqetësim zhvlerësimin e euros në tregun vendas. Vetëm pak ditë më parë, Bashkimi i Prodhuesve dhe Shoqata e Eksportueve i kanë nisur një letër të hapur ministrit të Financave dhe Kryeministit të vendit, duke kërkuar të publikohen shkaqet e këtij zhvlerësimi dhe të merren masa.

Një ditë më parë, edhe eksportuesit e bimëve mjekësore theksuan dëmin që po i vjen industrinë nga monedha europiane e zhvlerësuar. Megjithatë, Ministri i Financave ka bërë të ditur në një deklaratë të fundit, se nuk do të ketë ndërhyrje në treg, për të frenuar forcimin e lekut.

Valuta e shtuar e monedhës europiane, po ndihet në treg prej vitesh tashmë. Fillimisht u fol për investimet e larta të projektit të gazsjellësit TAP, dhe Hidrocentralit të Devollit, por fluksi i euros në qarkullim duket i lartë edhe pse këto projekte kanë shkuar drejt fundit, e nuk po injektojnë më para në treg.

Ju mund të lexoni edhe: Prodhuesit Ahmetajt: pse po bie euro, merrni masa, po kalojmë me humbje

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0