Erolda Çela, 21 vjeçarja që përfaqësoi Shqipërinë në Eureopean Fashion Passaport

Erolda Çela, 21 vjeçarja që përfaqësoi Shqipërinë në European Fashion Passaport


Gjthçka nisi me një email nga sekretaria e shkollës, e cila e ftonte 21 vjeçaren Erolda Çela të aplikonte për të përfaqësuar Shqipërinë në European Fashion Passaport.

Erolda krijoi pesë skicat e kërkuara dhe bëri aplikimin. Në shtator asaj i vjen një email, që nuk është pranuar si përfaqësuese. Natyrisht që kjo e mërziti, por dhe vazhdoi studimet . Disa kohë më vonë në inbox i vjen një tjetër email, që e udhëzonte për pjesëmarrjen. E habitur ajo sërish e anashkaloi duke menduar se ishte një gabim, por nga Ministria e Kulturës merr lajmin se do të ishte Erolda që do të përfaqësonte Shqipërinë në Eureopean Fashion Passaport dhe se email i disa javëve më parë ishte dërguar gabim. Tashmë ajo kishte vetëm pesë ditë kohë për t’u bërë gati dhe ia doli të siguronte koleksionin e saj.
Me koleksionin “Pjesëz” të përbërë nga pesë veshje të krjuara nga vetë ajo, Erolda bëri krenar çdo shqiptar që ishte në sallë. Veshje moderne të ndërthurura me notacione të tradicionales. Kjo ishte ajo që Erolda kishte krijuar. Koleksioni i dha asaj shumë besim që gjërat do të shkonin më së miri dhe se ky stil do të linte mbresa tek të pranishmit.

Lexo: Vetëm 21 vjeç, ka udhëtuar në gjithë botën dhe na jep këto këshilla

Për BusinessMag.al ajo thotë se për të ishte hera e parë që merrte pjesë në një kompeticion të tillë, dhe fakti që do të përfaqësonte Shqipërinë, e ngarkoi me përgjegjësi të madhe. Sarajeva e mirëpriti Eroldën.

Ajo thotë, “Ndoshta jam shumë e vogël, por ndiej se jam në rrugën e duhur. Do të punoj fort për veten, pasionin tim dhe për Shqipërinë. Ashtu siç jam krenare që jam nga Shqipëria, shpresoj shumë që dhe Shqipëria dhe shqiptarët të jenë krenarë për mua”.

Asaj gjithmonë i ka pëlqyer të vishet bukur dhe të krijojë gjëra të bukura. Talenti i saj ra në sy nga ata që e njihnin dhe kishin patur kontakt me të. Kur ishte në vitin e fundit të shkollës së mesme,  krijoi një koleksion veshjesh me material të riciklueshëm.

“Kur isha fëmijë u bëja veshje kukullave me gazeta dhe me copa. I rimodelja dhe sa herë që i shoh, ndjej nostaligji se si ato duar të vogla përpiqeshin të krijonin veshje”, thotë ajo. Ajo ruan me fanatizëm çdo krijim dhe vizatim të sajin, pasi për të janë një provë e pasionit të saj të hershëm.Erolda është përzgjedhur që do të jetë përfaqësuesja e Shqipërisë në këtë kompeticion edhe vitin e ardhshëm në Barcelonë. Pjesëmarrja në “European Fashion Passaport”, i ka mundësuar asaj krijimin e kontakteve dhe njërzve të rinj, një mundësi e mirë për të ardhmen e saj si stiliste. Erolda  thotë ndërkohë se studimet janë një qëllim që i ka vënë vetes. Për të, krijimi i një brandi që në këtë moshë është një arritje për më tej.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0