Në episodin e tretë të “Future Fridays”, fokusi është në tri tema kryesore që po përcaktojnë të ardhmen e teknologjisë dhe ndikimin e saj në shoqëri dhe ekonomi. Artikujt e kësaj jave na sjellin në qendër të vëmendjes inteligjencën artificiale dhe zgjidhjet inovative që po ndryshojnë mënyrën se si punojmë dhe jetojmë.
Dje u transmetua episodi i tretë i Future Fridays, një nismë e re në partneritet mes Business Magazine dhe Said Duleviç, e cila synon të sjellë në vëmendje trendet më të fundit në teknologji, biznes dhe inovacion. Ky format do të sjelli çdo javë analiza mbi zhvillimet më të rëndësishme që prekin ekosistemin shqiptar dhe më gjerë, duke ofruar një perspektivë të re mbi temat më të diskutuara.
Mira Murati krijon “Thinking Machines Lab”
Artikulli i parë, “Mira Murati debuton me startup-in e saj të inteligjencës artificiale, Thinking Machines Lab”, na prezanton me një nga emrat më të njohur të teknologjisë në botë. Murati, me përvojën e saj të gjatë në fushën e AI-së, ka lançuar startup-in e saj të ri, që synon të sjellë zgjidhje inovative për sfidat komplekse të kohës sonë. Ky projekt i ri pritet të përmirësojë mënyrën se si ndërveprojmë me teknologjinë dhe të sjellë përfitime në fusha të ndryshme, nga edukimi te shëndetësia. Artikulli i plotë
Lexo edhe:Episodi #2 “Future Fridays”: Si të fitoni nga rrobat e përdorura, AI që rikrijon gjenitë dhe Shqipëria kampione në sigurinë kibernetike!
Frika për tregun e punës: Si AI po ndikon në sigurinë e punës
Në artikullin e dytë, “Inteligjenca artificiale po kërcënon tregun e punës: 89% e punonjësve amerikanë në frikë për të ardhmen”, theksohet një aspekt i rëndësishëm i zhvillimeve teknologjike: pasiguria për të ardhmen e vendeve të punës. Ndërsa AI po automatizon gjithnjë e më shumë procese, shumë punonjës ndihen të kërcënuar nga humbja e vendeve të punës. Artikulli sjell në vëmendje nevojën për përshtatje dhe përvetësim të aftësive të reja për të qenë konkurrues në treg.Artikulli i plotë
InsectIntel: Teknologjia në shërbim të fermerëve
Artikulli i tretë, “InsectIntel: Pajisja inteligjente që po ndihmon fermerët të mbrojnë të ardhmen e tyre”, tregon se si teknologjia mund të sjellë përfitime të drejtpërdrejta edhe në sektorë tradicionalë si bujqësia. Pajisja InsectIntel përdor AI për të ndihmuar fermerët të monitorojnë dhe mbrojnë të mbjellat e tyre nga insektet, duke siguruar kështu një të ardhme më të qëndrueshme për prodhimin bujqësor. Artikulli i plotë
Për më shumë detaje dhe për të mos humbur asnjë episod të Future Fridays, qëndroni të lidhur me Business Magazine dhe Said Duleviç.
Na ndiqni çdo të premte në orën 17:00 në Instagram, Facebook, Linkedin, TikTok & YouTube për përmbledhjen tuaj javore të inovacionit!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English