Engineering Albania, një kompani ndërkombëtare që është tashmë pjesë e tregut shqiptar, ofron mundësi të jashtëzakonshme për të rinjtë dhe ata që dëshirojnë të zhvillohen në fushën e teknologjisë.
Në një event prezantues që mblodhi protagonistë të tregut, sipërmarrës dhe përfaqësues të institucioneve publike në vend, drejtuesit e Engineering Albania theksuan objektivat e tyre për vitet në vijim. Duke analizuar potencialin e tregut vendas, kompania vlerëson mundësinë e lartë të bashkëpunimit dypalësh dhe synon të ndërtojë ura të reja bashkëpunimi.
Aleksa Bardhi, General Manager për Engineering Albania, theksoi se një nga qëllimet kryesore të kompanisë është identifikimi dhe fuqizimi i talenteve në fushën e teknologjisë.
Ndërkohë Fabio Momola, Group Executive Vice President, deklaroi se në vitin e parë të aktivitetit në Shqipëri, kompania synon të trajnojë të paktën 100 të rinj në teknologji, përmes një game të gjerë shërbimesh që përfshijnë edhe komponentin kreativ të dizajnit. Në periudhën e dytë (dyvjeçare), pritet që ky program të zgjerohet për të përfshirë 250 të rinj vendas.
Engineering Group vlerëson se Shqipëria ka një potencial të lartë të zhvillimit në fushën e teknologjisë dhe një rini vitale.
Përfaqësues të institucioneve shqiptare theksuan mundësitë e mira që u sigurohen të rinjve për zhvillimin e teknologjisë në vend.
Kompania vjen me një game të gjerë shërbimesh në dizajn, prodhim, furnizim, instalim, menaxhim dhe asistencë për programe kompjuterike, pajisje dhe sisteme të ndërlidhura. Ajo mundëson edhe kryerjen e aktiviteteve të tjera të dobishme ose të nevojshme me qëllim ushtrimin e këtyre aktiviteteve.
Engineering Albania është pjesë e Engineering Group, një lider global në transformimin digjital për kompani publike dhe private në mbarë botën. Me rreth 14,000 profesionistë në mbi 80 lokacione (në Itali, Belgjikë, Gjermani, Norvegji, Serbi, Spanjë, Suedi, Zvicër, Argjentinë, Brazil dhe SHBA), Engineering Group projekton, zhvillon dhe menaxhon zgjidhje inovative për fushat e biznesit, ku digjitalizimi ka ndikimin më të madh, përfshirë Financat Digjitale, Qeverisjen dhe E-shëndetin, Industrinë Digjitale, Energjinë dhe Shërbimet inteligjente, Media dhe Komunikim Digjital.
Këtu gjeni linkun e videos së eventit
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
