Endri Dibra shqiptari nga Zvicra që rrëmbeu çmimin Inovacioni i vitit në ICT Awards - Business Magazine Albania

Endri Dibra shqiptari nga Zvicra që rrëmbeu çmimin Inovacioni i vitit në ICT Awards

~3 minuta lexim

ICT Awards mbylli edicionin e 8-të ditën e Premte me shpalljen e fituesve në shtatë kategoritë. Inovacioni i Vitit është padyshim një prej kategorive më të spikatura ku fituesit e saj kanë provuar të jenë histori të vërteta suksesi, zgjidhje inovative Shqiptare të cilat kanë tërhequr vëmendjen e shumë investorëve dhe kompanive të huaja. Digital Human Avatars and AI from Smartphones for AR Body Applications zhvilluar nga kompania Arbrea Labs ishte projekti i cili mbërriti në finale dhe triumfoi në këtë kategori.

Arbrea Labs është një kompani me seli në Zvicër e themeluar dhe drejtuar nga shqiptari Endri Dibra e cila ka zhvilluar teknologjitë më të fundit në fushat e inteligjencës artificiale dhe visual computing me ekspertët më në zë në grafikë dhe vizualizim kompjuterik. Endri jeton në Zvicër por ka lindur në qytetin e Durrësit. Studimet e larta i ka kryer në Universitetin Jacobs të Bremenit për Inxhinieri Elektrike dhe Shkenca Kompjuterike, ato master në ETH Zurich në Robotikë dhe bart një diplomë Ph.D nga ETH Zurich në Shkenca Kompjuterike.

Është specializuar me aftësi të avancuara në përllogaritje të formave, rindërtim, gjurmim dhe deep learning. Digital Human Avatars and AI from Smartphones for AR Body Applications, një aplikacion mobil për pacientë dhe kirurgë i ndërtuar i gjithi në inteligjencë artificiale dhe realitetin e shtuar. Funksioni kryesori i produktit është të vizualizojë trajtimet kirurgjikale direkt në trupin e pacientit. Është një mjet komunikimi, edukimi dhe vendimarrjeje për kirurgë dhe pacientë.

Aplikacioni ishte ndërtuar fillimisht për pacientët për ti ndihmuar ato të vendosin në ndërhyrjet esetike kirurgjikale por edhe për të ndihmuar pacientët me kancer të gjirit për të menaxhuar nivelet e stresit. Përmes algoritmave aplikacioni mund të krijojë një vizualizim pa pasur nevojë të përdoren shënjimet mbi trupin e pacientit. Produkti u vjen në ndihmë edhe kirurgëve duke u kursyer kohë dhe kosto.

Digital Human Avatars and AI from Smartphones for AR Body Applications mund të konsiderohet si një pasqyrë magjike e cila të jep rezultatet e një ndërhyrje kirurgjikale esetetike përpara se ajo të ndodhë.

Kompania Arbrea Labs beson tek potenciali i këtij produkti për tu shtrirë ndërkombëtarisht dhe se çdo kirurg do të jenë në gjendje të përdorë mjetet të tilla në të ardhmen. Produkti përbën inovacion jo vetëm nga mënyra e aplikimit por edhe teknologjia me të cilën është realizuar dhe për këtë Arbrea Labs ka aplikuar për patentë në Shtetet e Bashkuara.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Teknologjia është thjesht një mjet për të bashkuar njerëzit.”
— Mark Zuckerberg
Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0