Emoji, një trend në rritje » Business Magazine Albania – Media Dixhitale dedikuar Sipërmarrjes
Përditësuar së fundmi: 13/11/2018

Emoji, një trend në rritje

Share
nga Anerola Torollari
Nën 13, 2018
Studied at Faculty of Science, Content Editor Biznesi at Business Magazine
lexo me teper >

Këtë mëngjes i dashuri im më dërgoi:

Dhe unë ia ktheva:

Ai më tha, “Mirëmëngjes! Është një ditë e bukur. Të dua!”

Dhe unë i shkruajta, “Mirëmëngjes! Të dua edhe unë.”

Personi që më ka shkruar dhe unë jemi të afërt. Ne e njohim njëri-tjetrin, kështu që biseda jonë vetëm me emoji ka kuptim për ne. Mesazhi është mjaft i qartë saqë edhe një vëzhgues i jashtëm mund ta ketë interpretuar në mënyrë të ngjashme. Por ky nuk është gjithmonë rasti kur bëhet fjalë për emoji. Megjithëse njohja dhe konteksti e bën këtë shkëmbim të vogël të suksesshëm, hulumtimet tregojnë se interpretimi i emoji ndryshon, veçanërisht nëpër kultura të ndryshme.

/Artikulli u publikua më parë në faqen 29 të numrit 18 të revistës Business Magazine Albania. Ju mund të Shfletoni Këtu nr. 18 të saj.

Si kultura të ndryshme nënkuptojnë gjëra të ndryshme?

Ju do të mendonit se fotot janë një koncept universal. Fotot veçanërisht të thjeshta kanë për qëllim të përcjellin një ide ose emocion. Por pyesni çdo artist vizual dhe ata do t’ju tregojnë se ka kaq shumë mënyra për të interpretuar një pjesë të artit vizual, sa ka dhe njerëz që i nënkuptojnë ato ndryshe. Merrni për shembull pikturën e famshme të artistit norvegjez, Edvard Munch, The Scream.

Ajo ka inspiruar këtë emoji:

Emoji synon të përcjellë frikë. Ata që e njohin pikturën Munch mund ta shohin me lehtësi këtë emoji si përcjell pikërisht këtë gjë. Por ka të tjerë që e shohin atë si një shprehje shoku ose habie e jo frike.

Emojit duhet ta bëjnë më të lehtë komunikimin mes kulturave, por paraqitja e emojit jo vetëm që varion nga pajisjet, por mënyra se si i interpretojmë ato varion gjithashtu nga vendi ku rritemi.

Ka shembuj të tjerë të emojit frymëzues të kulturës japoneze që shumica e perëndimorëve nuk i kuptojnë, ose të paktën tentojnë t’i përdorin në një kontekst tjetër. E njihni djalin e vogël që duket sikur po derdh një lot?

Është në fakt një emoji i quajtur Face Sleepy. Dhe ky nuk është lot; është një flluskë. Efekti simpatik vjen nga anime japoneze, ku flluska e çarë është përdorur shpesh për të pikturuar një pamje komike të një karakteri të përgjumur.

Ja një emoji tjetër shpesh i keqinterpretuar.

/Artikulli u publikua më parë në faqen 29 të numrit 18 të revistës Business Magazine Albania. Ju mund të Shfletoni Këtu nr. 18 të saj.

Nëse jetoni në një kulturë perëndimore, mund ta shihni këtë si një shprehje zemërimi, veçanërisht nëse keni parë mjaft karikatura ku karakteri i inatosur nxjerr avull nga hunda e tij. Por ky emoji quhet Face With Look of Triumph. Ka për qëllim të përcjellë pamjen ironike që mund të jepni ndërsa jeni #Duke fituar.

Fakte rreth Emoji

  • Francezët përdorin katër herë më shumë emoji me zemra sesa folësit e gjuhëve të tjera dhe është e vetmja gjuhë për të cilën një “smiley” nuk është numri 1
  • Folësit arabë përdorin emojit me lule dhe bimë katër herë më shumë se mesatarja.
  • Folësit rusë janë romantikët më të mëdhenj, duke përdorur tre herë më shumë emoji romantikë se mesatarja.
  • Australia është vendi i veseve dhe kënaqësisë sipas të dhënave të emoji, duke përdorur dyfishin e mesatares të emoji me temë alkoolike, 65% më shumë emoji të drogës sesa mesatarja duke u ndjekur nga ushqimet junk dhe emoji që nënkuptojnë pushime.
  • Amerikanët përdorin emoji të LGBT-ve më shumë se të tjerët.
  • Amerikanët gjithashtu udhëheqin për një shumëllojshmëri emoji-sh dhe kategorish, duke përfshirë kafkat, torta ditëlindjesh, zjarr, teknologji, mish dhe emoji me femra.

A janë emojit një gjuhë e veçantë?

Emojit u projektuan të ishin hapi i ardhshëm evolucionar nga emoticons me bazë teksti. Shigetaka Kurita, atëherë një punonjës në ofruesin më të madh të telefonisë celulare në Japoni, i krijoi ato në fillim të vitit 1999. Ai po punonte në një mënyrë që klientët të komunikonin përmes ikonave. Rezultati ishte një grup prej 176 ikonash që ai i quajti emoji.  Ato kanë për qëllim të sigurojnë një sistem imazhesh për të shprehur ide abstrakte ose emocione (si gëzim, trishtim, konfuzion ose sarkazëm) me një karakter të vetëm. Në fakt, fjala “emoji” kombinon dy fjalë japoneze: “e” (foto) dhe “moji” (karakter). Kurita thotë se ai u frymëzua për emojis e tij nga manga, karaktere kineze.

Por a janë këto figura një gjuhë më vete?

Sipas Johanna Nichols, ish profesor i gjuhësisë në UC Berkeley, standardi i artë për dallimin e gjuhëve është “kuptueshmëria reciproke”. Me fjalë të tjera, nëse një folës i një gjuhe dhe një folës i një tjetre përpiqen të bisedojnë, a do ta kuptojnë njëri-tjetrin? Nëse përgjigja është “po”, folësi i dytë po përdor një lloj dialekti. Nëse përgjigjja është “jo”, ai person ka krijuar ose miratuar një gjuhë të re.

/Artikulli u publikua më parë në faqen 29 të numrit 18 të revistës Business Magazine Albania. Ju mund të Shfletoni Këtu nr. 18 të saj.

Edhe pse e ardhmja e emojis është duke u zhvilluar, shumica e ekspertëve aktualisht i shohin ato më shumë si një zgjerim gjuhësor sesa një gjuhë më vete. Efekti i tyre është plotësues. Por, duhet thënë që mund të zhvillohet një bisedë me emoji, duke nënkuptuar atë që thuhet. Më poshtë është një shembull i tillë.

Këto emoji janë mjaft të qarta. Ja se çfarë supozohet të nënkuptojë.

Rezultoi se çdo gjë ishte pothuajse shumë pranë asaj që emojit nënkuptonin!

Pra tashmë Gjuha e Emoji është kthyer në një mënyrë jetese dhe çdokush i përdor ato në bisedat me miqtë, të afërmit dhe të dashurit e tyre.

Emoji me siguri ka bërë shumë përparime vitet e fundit, me paraqitjet më të këndshme dhe të shumllojshme, por a e dini historinë se kur u krijua emoji i parë?

Trendi i Emoji-eve erdhi rreth vitit 2012, kur Apple lançoi iOS 6 dhe zotëruesit e iPhone zbuluan tastierën emoji dhe të gjitha imazhet magjike. Me popullaritetin që morën nuk u desh shumë kohë para se ato të bënin bujën e tyre në Instagram, Facebook, Twitter etj. Në të vërtetë, ekziston edhe një version i Moby Dick i shkruar tërësisht në emoji, i quajtur Emoji Dick. Popullariteti i emoji çoi në përfshirjen e saj në Fjalorin e Oxford English në vitin 2013; dhe deri në vitin 2015, ajo ishte në Merriam-Webster. Në të vërtetë, industria e emoji është e madhe, që përfshin faqet e internetit, mediat sociale, ushqimin, pajisjet mobile, modën, tatuazhet dhe më shumë. Dhe duket se nuk ka fund.

Fillimi i emoji, megjithatë, ishte shumë më i përulur. Në fakt, e gjitha filloi me diçka të thjeshtë dhe dukshëm të mërzitshme për disa: Shenjat e pikësimit.

/Artikulli u publikua më parë në faqen 29 të numrit 18 të revistës Business Magazine Albania. Ju mund të Shfletoni Këtu nr. 18 të saj.

Fillimi i Ikonave Emoji

E gjitha filloi me emoticons – shprehjet e fytyrës të bëra nga shenjat e pikësimit – e cila bëri paraqitjen e saj të parë në një revistë në vitin 1881. Emoticons janë mjaft të vjetra. Ishte rreth 100 vjet më vonë (1982, për të qenë më të saktë) ku emoticons u përfshinë së pari në gjuhën kompjuterike dhe u bënë më të zakonshme në mijëvjeçarin që jemi tani.

Emoticons e parë u shfaqën në një revistë Puck, gjatë vitit 1881. Revista botoi katër “fytyra”, duke shprehur gëzimin, melankolinë, indiferencën dhe habinë – dhe i quajti ato “art tipografik”.

Ata u përdorën për herë të parë si një mënyrë për të komunikuar emocionet në internet në vitin 1982. Kur u bë e vështirë për njerëzit që të tregonin dallimin mes shakave dhe postimeve serioze në një bord të mesazhit dixhital të Universitetit Carnegie Mellon, anëtarja e fakultetit Scott Fahlman doli me një zgjidhje: simbol 🙂 për të shënuar postet me humor, dhe shtoi simbolin 🙁 në ato serioze.

Konfigurimi i emoji për të gjithë

Gjërat ishin pak të çrregullta në fillim, sepse nëse i dërgonit një emoji dikujt duke përdorur një pajisje tjetër, nuk kishte asnjë garanci se ai do ta shihte atë. Vite më parë, kishte telefona ku nuk mund të shiheshin emojit dhe njerëzit shpeshherë habiteshin kur miqtë e tyre u dërgonin kuti të zbrazëta.

Fatmirësisht, Google filloi të përdorte pika kodi, duke siguruar që në të gjitha pajisjet e ndryshme, të gjithë do të merrnim të njëjtin emoji. Këto kohë, Unicode Consortium është përgjegjës për pikat e kodit dhe shumë më tepër në përgjithësi duke na sjellë emoji që ne e njohim dhe e përdorim sot.

Tani, ekzistojnë më shumë se 1.800 emojis.

/Artikulli u publikua më parë në faqen 29 të numrit 18 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 18 të saj.